Navya naveli nanda : કચ્છના રણમાં મસ્તી કરતી જોવા મળી અમિતાભ બચ્ચનની ભાણેજ નવ્યા, ફોટો વાયરલ થયા
Navya naveli nanda in kutch : અમિતાભ બચ્ચનની ભાણેજ નવ્યા નવેલી નંદા કોઈને કોઈ કારણોસર સોશિયલ મીડિયા પર છવાયેલી રહે છે.
પોતાના બિંદાસ્ત અંદાજ માટે જાણીતી નવ્યા હાલમાં જ ગુજરાતમાં જોવા મળી હતી. નવ્યાના કચ્છના વ્હાઈટ રણ પ્રવાસના ફોટો સોશિયલ મીડિયા પર વાયરલ થઈ રહ્યાં છે.
નવ્યા નવેલી નંદા દાદી જયા બચ્ચન અને માતા શ્વેતા બચ્ચન સાથે કચ્છના રણમાં પહોચી હતી. આ ટુરની તસવીરો નવ્યાએ ખુદ ઈન્ટરનેટ પર શેર કરી છે. કેટલાક ફોટોમાં નવ્યા એકલી જ મસ્તી કરતી જોવા મળી રહી છે.
નવ્યાએ કચ્છના રણના સફેદ રણમાં તેની દાદી અને માતા સાથે અદ્ભુત પોઝ આપતા ફોટા ક્લિક કર્યા છે, જે તેણે તેના ઇન્સ્ટાગ્રામ એકાઉન્ટ પર શેર કર્યા છે. નવ્યાના આ ફોટો આવતાની સાથે જ વાયરલ થઈ ગયા છે.
ફોટોમાં બચ્ચન પરિવારની ત્રણ પેઢી એકસાથે જોઈ શકાય છે. ફેન્સ આ ફોટોને લાઈક કરવા સાથે કોમેન્ટ પણ કરી રહ્યાં છે. પોતાની સફરની તસવીરો શેર કરીને નવ્યાએ સાબિત કર્યું છે કે તેના પરિવાર સાથે વિતાવેલો સમય તેના માટે ખૂબ જ ખાસ છે, જેની ખુશી તેના ફોટામાં સ્પષ્ટ દેખાય છે.
નવ્યા હાલમાં અમદાવાદમાં ઇન્ડિયન ઇન્સ્ટિટ્યૂટ ઓફ મેનેજમેન્ટમાં અભ્યાસ કરી રહી છે અને અભ્યાસ પ્રત્યે ખૂબ જ ગંભીર છે. શિક્ષણ અને કરિયરની દિશા દર્શાવે છે કે નવ્યા ફક્ત તેના પરિવારના નામથી જ નહીં પરંતુ તેના કામ અને સિદ્ધિઓથી પણ પોતાની ઓળખ બનાવવા માંગે છે.
નવ્યા મોટાભાગે સોશિયલ મીડિયા પર તેની નજીકની મિત્રો સુહાના ખાન અને અનન્યા પાંડે સાથે જોવા મળે છે. આ ટોળકીના ફોટા અને વીડિયો વાયરલ થતા રહે છે.
Click it and Unblock the Notifications
Sign in with Google
