Love Horoscope 2017: કર્ક રાશિનું પ્રેમનું ભવિષ્યફળ 2017

Posted By:
Subscribe to Oneindia News

કર્ક રાશિનો સ્વામી ચંદ્ર છે. પ્રેમ, લગ્ન અને સંબંધોનો કારક ગ્રહ શનિ દેવ છે. શનિદેવનો ઈશારો છે કે તમારે 2017માં તમારી લાગણીઓ પર નિયંત્રણ રાખવાની જરૂર છે. જો તમે આ નહિં કરી શકો તો અપમાનજનક પરિસ્થિતિનો સામનો કરવો પડશે.

cancer

તે જ રીતે જો તમારી લાગણીઓને કાબૂમાં કરી લેશો તો તમારે નવા સંબંધો પણ બંધાશે અને પાર્ટનરની નજરમાં તમારું સ્થાન ઉંચુ જશે. શારિરીક સંબંધોમાં આ વર્ષ દરમિયાન થોડી મુશ્કેલી આવી શકે છે. જાતિય રોગોને કારણે હેરાન રહેશો.

પ્રેમ સંબંધ સામાન્ય રહેશે
વર્ષ 2017ના પહેલા 4 મહિના એટલે કે જાન્યુઆરીથી એપ્રિલ પ્રેમ માટે સામાન્ય રેહેશે. પરંતુ એપ્રિલ પછી સંબંધોની ગાડી પાટે ચઢશે. પ્રેમ, રોમાંસ, સંબંધો અને સામાજીક ક્ષેત્રે તમે વિજય મેળવશો. દરેક દિવસે તમે કોઈને કોઈ વ્યકિતને આકર્ષિ શકશો. આ વર્ષ દરમિયાન તમારા મિત્રોની યાદી વધશે અને તમારા સર્કલમાં તમે લોકપ્રિય બનશો. જૂના મિત્રો અથવા જૂના પ્રેમ સંબંધો ફરી તમારી સાથે જોડાશે અને લાંબા સમય સુધી તમારી સાથે રહેશે.

લોકોને આકર્ષિ શકશો
વર્ષ 2017 માત્ર કુંવારા જ નહિં પરંતુ લગ્ન કરેલા લોકો માટે ઘણી ભેટ લઈને આવી રહ્યું છે. કુંવારા લોકો ભણેલા અને સામાજીક રીતે પ્રસિધ્ધ પાર્ટનરના સંપર્કમાં આવશે. જેને તમે તમારા પ્રત્યે આકર્ષવામાં સફળ રહેશો. શક્યતા છે કે તેની સાથે લગ્નજીવન પણ શરૂ કરી શકો છો.

પાર્ટનર મળશે
આ વર્ષ દરમિયાન પરણિત લોકોને તેમના જીવનસાથી માટે અત્યંત પ્રેમ વધશે. મિત્રોની સંખ્યા વધશે. સામાજીક માન-મોભો વધશે. કર્ક રાશિના જાતકો કે જેઓ કુંવારા છે તેમને તેમનો લવ પાર્ટનર સામાજીક પ્રસંગો, કોઈ મ્યુઝીક ઈવેન્ટ કે શિક્ષણ સાથે જોડાયેલા કાર્યક્રમોમાં મળશે.

રિસાયેલા પાર્ટનરને મનાવી લેજો
જેમનો લવ પાર્ટનર હાલ રિસાઈને બેઠો છે, જેમના સંબંધો અત્યારે બગડેલા છે તેવા જાતકો માટે 2017નુ વર્ષ ઘણું સારું રહેશે. તેમની ગાડી ફરી પાટે ચડી શકે છે. 17 મે થી 24 ઓગસ્ટની વચ્ચે સાથી સાથે ચર્ચા કરી તેમને મનાવવાનો પ્રયત્ન કરો, તમને સફળતા મળશે.

જાતિય રોગોથી હેરાન થશો
શારિરીક સંબંધોની વાત કરીએ તો કર્ક રાશિના જાતકોને 2017 દરમિયાન જાતિય રોગોની મુશ્કેલી આવી શકે છે. પણ બહું ચિંતા કરવાની જરૂર નથી, તે માત્ર ટૂંકા સમય માટે જ હશે. તમારા લવ પાર્ટનર પર વિશ્વાસ રાખો અને તેમનો આત્મવિશ્વાસ વધારતા રહો. જે પણ કહેવા માંગો છો ખૂલીને કહો.

આ વર્ષે આમ કરવું
સંબંધોને ફરી જીવંત કરવા બનતા તમામ પ્રયત્ન કરો. તમારા પાર્ટનરને મોતીથી બનેલ કોઈ આભૂષણ, વસ્તુ કે સેન્ટ ભેટમાં આપો. તમે હીરા કે સફેદ મોતી પહેરવાનું રાખો.

English summary
Read Free Love Horoscope of Cancer rashi in 2017. Love horoscope of cancer rashi is available in Gujarati. Get tips to make your love and marriage life good.
Please Wait while comments are loading...