જ્યોતિષઃ સિંહ રાશિ માટે ઓગસ્ટ મહિનો કેવો રહેશે?

Posted By:
Subscribe to Oneindia News

આ માસમાં શનિનું ગોચર તમારા ચોથા ભાવમાં રહેવાને કારણે તમને જમીન-મકાનથી ફાયદો થશે. પણ કોઈ મિલકત ખરીદતા પહેલા સાવધાન રહેજો. પ્રોપર્ટી સાથે જોડાયેલો વિવાદ ઊભો થશે. નોકરીમાં પરિવર્તન થવાની શક્યતા છે. રાહુના પ્રથમભાવમાં ગોચર કરવાને કારણે તમારુ આરોગ્ય બગડી શકે છે. દાંપત્યજીવન નીરશ બનશે. વેપારમાં મુશ્કેલીઓનો સામનો કરવો પડશે. ભાઈ-બંધુઓની મદદથી સારો લાભ કમાઈ શકો છો.

આર્થિક

આર્થિક

તમે કોઈ આર્થિક મુદ્દાને લઈ પ્રવાસ કરશો, જેનાથી તમારુ બેંક બેલેન્સ વધી શકે છે. કોઈ સારી યોજના બનાવી તમે તમારી આવક વધારી શકો છો, જેમાં તમને મિત્રોની મદદ પણ મળી રહેશે. મહિનાનો મધ્યભાગ પૈસા કમાવા માટે સારો જણાઈ રહ્યો છે. કામ-ધંધામાં વધારો થવાની શક્યતા છે. ભોગ-વિલાસની વસ્તુઓને કારણે તમારા ખર્ચા વધશે.

સ્વાસ્થ્ય

સ્વાસ્થ્ય

આ સમયે તમારે આરોગ્યને લઈ અત્યંત સાવધાન રહેવું. ભોજનની યોગ્ય કાળજી લેજો. તમને વાગવાની શક્યતા છે માટે સાવધાન રહેજો. વધુ મહેનત કરવાથી તેની અસર શરીર પર પડશે અને રોગપ્રતિકારક શક્તિ નબળી થશે. સીઝનમાં ફેરફાર થવાની અસર તમારા પર પડશે. રાશિનો સ્વામી સૂર્યની સ્થિતિમાં સુધારો આવવાથી તમારુ આરોગ્ય સારુ થતું જણાશે.

કરિયર અને વ્યવસાય

કરિયર અને વ્યવસાય

નોકરી કરનારા જાતકોની નોકરીમાં સ્થાન પરિવર્તન થઈ શકે છે. જે લોકો નવી નોકરી શોધી રહ્યા છે તેમની ઈચ્છા પૂરી થશે. નોકરીના હેતુથી અનેક નાની-મોટી યાત્રાઓ પણ કરવી પડશે. વેપારમાં અનેક મુશ્કેલીઓનો સામનો કરવો પડશે. જૂનો વેપાર છોડી તમે નવો વેપાર શરૂ કરી શકો છો.

લગ્નજીવન

લગ્નજીવન

દાંપત્યજીવન માટે આ સમય અનુકૂળ છે. સપ્તમભાવમાં વિરાજમાન કેતુ તમારા સંબંધોમાં સમસ્યા પેદા કરશે. તમારી વાણી પર સંયમ જાળવજો. આ સમયે જીવનસાથીનું આરોગ્ય પણ બગડી શકે છે.

પ્રેમ

પ્રેમ

પ્રેમ સંબંધ માટે આ અવધિ ઉત્તમ સાબિત થશે. પ્રેમી સાથે સંબંધો મધુર રહેશે. તમે કોઈને પસંદ કરો છો તો તમારી લાગણીઓને વ્યક્ત કરવાનો આ યોગ્ય સમય છે. જે લોકોના પ્રેમ સંબંધો લાંબા સમયથી ચાલી રહ્યા છે તેમના સંબંધ લગ્નજીવનમાં ફેરવાઈ શકે છે. જેમના લગ્નની વાત ચાલી રહી છે તેમના સાથી જીવનસાથીના રૂપે મળશે.

English summary
Monthly Horoscope of Leo in august 2017.
Please Wait while comments are loading...