જ્યોતિષઃ વૃષભ રાશિ માટે જૂન મહિનો કેવો રહેશે?

Posted By:
Subscribe to Oneindia News

શનિ દેવના અષ્ટમભાવમાં ગોચર કરવાને કારણે નોકરીમાં પરિવર્તન આવશે. ગુરુના પંચમભાવમાં ગોચર કરવાને કારણે સંતાનના અભ્યાસમાં મુશ્કેલીઓ જન્મ લેશે. કાર્યક્ષેત્રે ઓછી મહેનતે વધુ ફાયદો મેળવી શકાશે. જોખમી કામોથી દૂર રહેવામાં તમારી ભલાઈ છે. રાહુની ચોથા ભાવમાં ગોચરીય સ્થિતિ તમારા માટે માથાનો દુખાવો સાબિત થશે. જમીન-મકાનને લગતો વિવાદ મોટુ રૂપ લઈ શકે છે. બુધ અને શુક્રની દ્વાદશભાવમાં સ્થિતિ ભોગ-વિલાસમાં વધારો કરાવશે.

આર્થિક

આર્થિક

તમારા ખર્ચા એકદમથી વધી શકે છે. પૈસાને લગતી કોઈપણ લેવડ-દેવડમાં બેદરકાર બનશો નહિં. આર્થિક કાર્યો કરતા પહેલા અનુભવીની સલાહ લેવાનું રાખજો. ટૂંકાગાળાનું રોકાણ આગળ ચાલી ફાયદો કરાવશે. નાણાકીય લેવડ-દેવડ સમજી વિચારીને કરજો. મંગળની દ્રિતિય ભાવમાં સ્થિતિ વેપાર દ્વારા ધનલાભ કરાવશે. જો કે ખર્ચા પણ તેટલા જ વધતા જશે.

સ્વાસ્થ્ય

સ્વાસ્થ્ય

આરોગ્યને લઈ તમારે તકેદારી રાખવાની જરૂર છે. અકસ્માતથી વાગવાની શક્યતાઓ અનેકગણી વધારે છે. પ્રથમભાવમાં સૂર્યની સ્થિતિ તમારા ગુસ્સા અને વ્યાકુળતામાં વધારો લાવશે. તમે વધુ લાગણીશીલ રહેવાને કારણે માનસિક રીતે બેચેન રહેશો. જમવામાં તકેદારી નહિં રાખો તો તમારુ આરોગ્ય બગડી શકે છે. કામના વધુ ભારથી આરોગ્ય કથળી શકે છે.

કરિયર અને વ્યવસાય

કરિયર અને વ્યવસાય

નવી નોકરી શોધનારાઓને સફળતા મળી શકે છે. કેતુના દશમભાવમાં ગોચર કરવાને કારણે ઉપરી અધિકારીઓ સાથે તાળમેળ જાળવીને ચાલવું નહિંતર નોકરી જવાના કે ટ્રાન્સફર થવાની શક્યતા છે. જો તમે કોઈ નવા વેપાર અંગે વિચારી રહ્યા હોવ તો આ સમય તમને વધુ સારો લાભ કરાવી આપશે. સ્ટોક માર્કેટ સાથે જોડાયેલા લોકો માટે આ સમયે સારો નફો થવાની શક્યતા છે.

લગ્નજીવન

લગ્નજીવન

દાંપત્યજીવન માટે આ સમય સારો જણાઈ રહ્યો છે. જીવનસાથી સાથે તમારો તાળમેળ સારો બેસશે. તમે બંને એકબીજાની જવાબદારીઓને સમજી આત્મીયતા વધારશો. જીવનસાથી માટે શોપિંગ કરશો, જેથી તેઓ ખુશ થશે. લગ્નની વાત ચાલી રહી હોય તેમને થોડી મુશ્કેલી આવી શકે છે.

પ્રેમ

પ્રેમ

તમારા જીવનમાં આ સમયે અનેક વિપરિત જાતિના લોકો આવશે. જૂના પ્રેમ સંબંધો ફરી શરૂ થઈ શકે છે. જો તમે પહેલેથી કોઈના પ્રેમમાં છો તો આ સમયે તેની વધુ નજીક આવશો. જે લોકો પોતાના પ્રેમને લગ્નજીવનમાં ફેરવવાનું વિચારી રહ્યા છે તેમને વડિલોની સહમતિ મળી રહેશે. જો તમે કોઈ વ્યક્તિ માટે આકર્ષણ અનુભવો છો તો પ્રેમનો એકરાર કરી દેજો.

English summary
Monthly Horoscope of Taurus in June 2017.
Please Wait while comments are loading...