Love Horoscope 2017: કન્યા રાશિનું પ્રેમનું ભવિષ્યફળ 2017

Posted By:
Subscribe to Oneindia News

કન્યા રાશિનો સ્વામી બુધ છે અને લગ્ન, પ્રેમનો કારક ગ્રહ ગુરુ છે. જે તમારા જીવનમાં અનેક ખુશીઓ લઈને આવશે. કુંવારા લોકો નવા સંબંધોમાં બંધાશે અને પરણિત લોકોના જીવનમાં સંતાનનુ આગમન ખુશીઓ લાવશે. આ વર્ષે તમે તમારી મરજીના માલિક રહેશો.

virgo

જે સંબંધોમાં હાલ સુધી તમને કંઈજ મળ્યું નથી તેવા લોકો સામે ચાલી તમારી પાસે આવશે. જો કે તમારો રસ તેમના માંથી ઉડી ગયેલો હશે. જેઓ હાલ રિલેશનશિપમાં છે તેમના પ્રેમમાં વધારો થશે. પરંતુ એક વાતનું ખાસ ધ્યાન આપવાનું છે કે લાગણીઓમાં વહી જવાને બદલે મગજથી અને તર્કોને પારખીને ચાલજો.

દગા દેનારા મળશે
આ વર્ષે પણ તમને દગો દેનારા મળી રહેશે. પરંતુ તમારી મજબૂત ઈચ્છા શક્તિ અને મનોબળને કારણે તેઓ તમારું કંઈજ બગાડી શકશે નહિં. જો તમે પ્રેમ પ્રસ્તાવમાં પહેલ કરવા જઈ રહ્યા હોવ તો સો વાર વિચારી લેજો. શક તમારા સંબંધને કોરી ખાશે, વિશ્વાસ રાખજો અને સ્વવિવેકથી નિર્ણયો લેજો. કોઈ ત્રીજી વ્યકિતનું સાભંળી તમારા પાર્ટનર સાથે લડશો નહિં.

સંબંધો માટે યોગ્ય સમય
12 ફેબ્રુઆરીથી 12 મે 2017 આ 3 મહિના તમારા સંબંધો માટે ઉત્તમ સમય છે. આ દરમિયાન અનેક નવા લોકોને મળવાનું થશે. જેમાં શક્યતા છે કે કોઈ તમને પસંદ આવી જાય અને તમે તેને ચાહવા લાગો.

લાગણીઓ હાવી રહેશે
ઉપરોક્ત સમય ગાળા દરમિયાન તમારી લાગણીઓ તમારા પર હાવી રહેશે. પરિણામે સાવધાની રાખજો કે કોઈ ખોટા વ્યકિતના ચક્કરમાં ફસાઈ ન જાવ. તમને જેની માટે લાગણી હશે તે કાંતો તમારી સાથે કામ કરનાર કોઈ હોઈ શકે છે અથવા તમારી કોઈ મિત્ર પણ હોઈ શકે છે.

વર્ષના મધ્યમાં સંબંધોમાં ખટાશ આવશે
આ રાશિના જાતકોના પ્રેમ સંબંધમાં વર્ષના મધ્યે કોઈ ત્રીજી વ્યકિતના આવી જવાથી ઉપરાંત પાર્ટનરને સમય ન આપી શકવાને કારણે વિવાદ થશે. પરણિત પુરુષોના જીવનમાં કોઈ બીજી સ્ત્રીનું આગમન થશે. જેમાં તમારે સાવધાન રહેવુ, તમારા ગ્રહોની ચાલ જણાવી રહી છે કે તમે કોઈ બીજી સ્ત્રીને કારણે તમારા કુટુંબ અને સમાજ સામે અપમાનજનક સ્થિતિમાં મૂકાશો. પરિણામે આવા સંબંધો બાંધવાથી બચજો.

આ વર્ષે આમ કરવું
તમારા પાર્ટનરનો વિશ્વાસ જીતવા માટે તમારે પ્રયત્નો કરવા પડશે. વાંરવાર એવી સ્થિતિ ઉભી થશે કે હવે તમારો સંબંધ તૂટવાને આરે છે. તેવા સમયે તમારા સંબંધને પુનઃજીવંત કરવા તમારે જ ઝૂકવું પડશે. 6 રત્નનો પન્ના સોનાની વિંટીમાં પહેરો. આકર્ષણ શકિતમાં વધારો થશે અને સંબંધોને ફરી જીવંત કરવામાં મદદ મળશે.

English summary
Read Free Love Horoscope of virgo in 2017. Virgo Love horoscope of Virgo is available in Gujarati. Get tips to make your love and marriage life good
Please Wait while comments are loading...