22 મે થી 28 મે સુધીનું સાપ્તાહિક રાશિફળ

જાણો, જ્યોતિષ પ્રમાણે તમારી રાશિ મુજબ તમારું આ અઠવાડિયું કેવું જશે?

By:
Subscribe to Oneindia News

જાણો જ્યોતિષ પ્રમાણે, તમારી રાશિ મુજબ તમારું આ આખું અઠવાડિયું કેવું જશે? સાથે જ તમારા પરિવારજનોની રાશિ પ્રમાણે પણ અઠવાડિયાનું ભવિષ્ય ફળ વાંચો અહીં. અમારા આ જ્યોતિષ સેક્શનમાં અમે તમને 12 રાશિઓનું આ અઠવાડિયાનું રાશિફળ જણાવીશું. આ અઠવાડિયા દરમિયાન શું કરવું અને શું ન કરવું તે પણ જાણી શકશો. ઉપરાંત આ અઠવાડિયું નોકરી, ધંધા અને પરિવારની દ્રષ્ટિએ કેવું રહેશે તે વિસ્તારથી જાણવા માટે આગળ વાંચતા રહો.

મેષ : તમારા ભેદો ખુલ્લા પડી જશે

આ સપ્તાહ દરમિયાન સહેલા કામો પણ તમને અઘરા લાગશે. તમારા ભેદો ખુલી જવાની શક્યતાઓ છે, પરિણામે સાવધાન રહેજો. તમારી માનસિક ઉર્જા વધારવા માટેના પ્રયત્નો કરશો. વાણીની અસરકારકતા આ સમય દરમિયાન વધશે અને લોકો તમારી વાત માનશે. જવાબદારીઓ ઉઠાવવામાં અનેક મુશ્કેલીઓનો સામનો કરવો પડશે.

  • સ્પર્ધાત્મક પરીક્ષામાં બેસનારા વિદ્યાર્થીઓ પોતાની યોજનાને જાહેર ન કરે તેમાં જ તેમનું હિત છે.
  • સ્ત્રીઓને નજીકના સંબંધોમાં કડવાશ પેદા થશે, વાણી પર નિયંત્રણ લાવજો.

વૃષભઃ સ્પર્ધામાં વધારો થતા તમને હતાશા ઘેરી વળશે

આ અઠવાડિયા દરમિયાન વૃષભ રાશિના જાતકો પર નકારાત્મક વિચારો હાવી રહેશે. કાર્યક્ષેત્રે સપર્ધા વધશે, જેને કારણે નકારાત્મક વિચારો તમને ઘેરી વળશે. વિરોધાભાસની સ્થિતિમાંથી બહાર નીકળી જવું તમારા માટે જરૂરી છે. નહિંતર તમારા માનસિક તાણમાં વધારો થતો જશે. આર્થિક સ્થિતિને સુધારવા માટે કરેલા કામો તમને જરૂર સફળતા અપાવશે. જીવનસાથી સાથે નકામી વાતોને લઈ કલેશ થશે. લોકો તમારી લાગણીઓને સમજશે નહિં, જેથી તમે દુઃખી થશો. કાર્યસ્થળે તમે તમારી ઈચ્છા પ્રમાણે કામ કરશો, તેનું પરિણામ સારુ આવશે અને દબાણમાં કરેલા કામો બગડશે.

  • વિદ્યાર્થીઓ અભ્યાસમાં એકાગ્રતા જાળવી રાખે.
  • સ્ત્રીઓ તેમની રોજીંદી ક્રિયામાં ફેરફાર લાવે.

મિથુન :આધ્યાત્મ તરફ ઝુકાવ વધશે

આ અઠવાડિયે મિથુન રાશિના કેટલાક જાતકોને કામને લઈ નિરાશા વધતા આધ્યાત્મિક કાર્યોમાં રસ જાગશે. ખોટા નિર્ણયો લેવાથી બચજો, નહિંતર કરેલા કામો પર પાણી ફરી વળશે. કેટલાક આશ્ચર્યજનક તથ્યો સામે આવશે. જેથી તમે હેબતાઈ જશો. પ્રિય વ્યકિત સાથે મતભેદ વધી શકે છે. રોજગારને લગતા કામોમાં સફળતા મળશે.

  • સ્પર્ધાત્મક પરીક્ષા આપી રહ્યા વિદ્યાર્થીઓ પોતાનો સમય વેડફે નહિં, ગયેલો સમય પાછો મળવાનો નથી.
  • સ્ત્રીઓ પોતાના હિતોની અવગણના કરે નહિં, નહિંતર પાછળથી પછતાવું પડશે.

કર્ક : ઓફિસના કામોને લઈ જવાબદારી વધશે

આ અઠવાડિયા દરમિયાન કોઈને પોતાની વાત કહેવા ઈચ્છો છો તો તેમાં સફળ થશો. મદદનીશો તમારી મદદ કરવા તત્પર રહેશે. જો કે તમારે કામમાં થોડી હિંમત બતાડવાની જરૂર છે. ઓફિસના કામોને લઈ તમારી જવાબદારી વધશે. જેને સરખી રીતે પૂરીં કરવાથી શાબાશી મળશે. હસમુખ રહેશો તો લોકો સામે ચાલી તમારી પાસે આવશે. સંતાન તરફથી તમને કોઈ શુભ સમાચાર મળી શકે છે.

  • વિદ્યાર્થીઓએ કેરિયર માટે ખૂબ પરસેવો પાડવો પડશે.
  • સ્ત્રીઓ પોતાના ખર્ચા પર નિયંત્રણ રાખે અને ઉધારી લેવાથી બચે.

સિંહ : કૌટુંબિક વિવાદો જન્મે નહિં તેનું ધ્યાન રાખજો

આ અઠવાડિયે તમને કેટલાક કામોને લઈ ત્વરિત નિર્ણય લેવો પડશે. કુટુંબમા વાદ-વિવાદ કરવાથી બચજો, નહિંતર બધા સામે તમારુ અપમાન થઈ શકે છે. અનિચ્છાએ પણ રૂઢિવાદી વિચારો અપનાવવા પડશે, જેને કારણે તમે ગુસ્સે થશો. આર્થિક લેવડ-દેવડ સમજી-વિચારીને કરજો. જે લોકો તમને મળવા ઈચ્છે છે, તેમનું પૂરું સ્વાગત કરજો. જેથી તમારા વર્તનની ગુણવત્તા વધશે. મિલકતને લઈ સજાગ રહેજો, તેના પર નજર રાખજો નહિંતર પોતાના જ લોકો દાવ રમી જશે.

  • વિદ્યાર્થીઓ આ સમયે આગળની વ્યુહરચના ઘડી શકે છે.
  • સ્ત્રીઓ કોઈના પર નકામી શંકા કરે નહિ.

કન્યા : માંગલિક પ્રસંગોની ઉજવણીથી મન પ્રસન્ન રહેશે

આ અઠવાડિયા દરમિયાન કેટલાક એવા કામો થશે જેનાથી કૌટુંબિક ખુશીઓ બમણી થઈ જશે. કોઈ માંગલિક કામમાં ભાગીદાર બનશો, જેનાથી મનને શાંતી મળશે. આવક-જાવકમાં સંતુલન જળવાઈ રહેશે. દુશ્મનો પર વિજય મેળવી શકશો. જે લોકો તમારાથી વધુ અપેક્ષા રાખીને બેઠા છે, તેમની અપેક્ષા પર ખરા ઉતરી શકશો નહિં. જે લોકો પાસેથી મદદની આશા છે તેમની પાસેથી મદદ ન મળતા તમે હતાશ રહેશો. જીવનસાથી તરફથી ભરપૂર પ્રેમ મળી રહેશે.

  • વિદ્યાર્થીઓ માટે સમય અનુકૂળ છે.
  • સ્ત્રીઓના પક્ષે કોઈ મહત્વનો નિર્ણય લેવાઈ શકે છે.

તુલા : સામાજીક ભાગીદારી વધતા માન-પ્રતિષ્ઠામાં વધારો થશે

આ અઠવાડિયે તમારી જીવનમાં અચાનક કેટલાક ફેરફારો થશે. ઉર્જાથી ભરપૂર રહેજો, ત્યારે જ તમારા કામો સરળતાથી પૂરાં કરી શકશો. લોકો પર પોતાની છાપ છોડવાનો પ્રયત્ન કરશો. અંગત કામ હેતુ પ્રવાસે જવાનું થશે. સામાજીક કામોમાં આગળ ચાલી ભાગીદારી આપશો, જેનાથી તમારી પ્રતિષ્ઠામાં ચાર-ચાંદ લાગી જશે. અઘરા કામો ત્યારે સરળતાથી પૂરા
થશે, જ્યારે તમે કામને સંપૂર્ણ સમર્પણ કરશો.

  • કેરિયરના હેતુથી આ અઠવાડિયે દોડ-ભાગ વધશે.
  • સ્ત્રીઓ ભય પર વિજય મેળવી હિંમતથી કામ લે.

વૃશ્ચિક : તમારી દક્ષતા અને ઈમાનદારીના લોકો કાયલ થઈ જશે

વૃશ્ચિક રાશિના જાતકોને આ સમયે કામમાં મન લાગશે નહિં. કેટલાક લોકો પર ભુતકાળની વાતો હાવી થશે, જેથી કામમાં મન લાગશે નહિં. જે લોકો કામની શોધ કરી રહ્યા છે તેમની શોધ પૂરીં થવાને આરે છે. અંગત સ્વાર્થને કારણે નિયમોની અવગણના કરશો નહિં, નહિંતર મુસીબતમાં ફસાઈ શકો છો. કામમાં દક્ષતા અને ઈમાનદારીના લોકો કાયલ થઈ જશે. કોર્ટ-કચેરીના કામોમાં હજુ થોડો સમય લાગી જશે.

  • સ્પર્ધાત્મક પરીક્ષામાં બેસનાર વિદ્યાર્થીઓ માટે સમય અનુકૂળ રહેશે.
  • સ્ત્રીઓ મધ્યમ માર્ગ અપનાવી સફળતા પ્રાપ્ત કરી શકે છે.

ધનઃ વિરોધીઓ તમને નુકશાન કરાવશે

આ અઠવાડિયે ધન રાશિના જાતકો સાવધાન રહે, નહિંતર તમારા વિરોધીઓ તમારુ નુકશાન કરાવી શકે છે. વિરોધીઓની તમામ ચાલ છતાં તમે તેમના પર વિજયી થશો. રોજગારી અને કેરિયરમાં સમય તમને અનુકૂળ રહેશે. આર્થિક સ્થિતિ સામાન્ય રહેશે. પ્રબળ ઈચ્છાઓને પૂરીં કરવામાં મુશ્કેલી આવશે, જો કે સમય આવતા તે જરૂર પૂરીં કરી શકશો. આત્મ-વિશ્વાસમાં વધારો થશે, જેથી કામમાં પ્રગતિ થશે.

  • વિદ્યાર્થીઓ માટે સમય અનુકૂળ છે,પરિણામે સમયનો લાભ ઉઠાવી લેજો.
  • સ્ત્રીઓ સમજી-વિચારી પગલુ આગળ વધારે અને કોઈ ત્રીજી વ્યક્તિની વાત પર વિશ્વાસ કરે નહિં.

મકરઃ મહત્વના કામો અધૂરાં રહી જશે

આ અઠવાડિયે કેટલાક જાતકોની ભાગદોડ વધી શકે છે. જેને કારણે ધારેલા પ્રમાણે કામ પૂરાં થઈ શકશે નહિં. કામનું ભારણ વધશે, પરિણામે તમે તમારી ક્ષમતા વધારવાનો પ્રયત્ન કરજો. યોજનાઓનું ફળ તમને અનુરૂપ ન રહેતા તમે દુઃખી થશો. જે લોકો તમારા પર બોઝ બનીને બેઠા છે તેમનાથી પાલવ ઝાડવાની જરૂર છે. કારણ કે આ લોકો ઉધઈની જેમ તમને કોરી ખાઈ રહ્યા છે.

  • વિદ્યાર્થીઓને આ સમયે નવા મિત્રો બનશે, પરિણામે તેઓ અભ્યાસ છોડી સમય વેડફશે.
  • સ્ત્રીઓ કોઈ વ્યક્તિને લઈ નીરાશ થશે, જેથી મન ઉદાસ રહેશે.

કુંભઃ અનેક ચેલેન્જોનો સામનો કરવો પડશે

આ અઠવાડિયે કુંભ રાશિના જાતકોને મળી રહેલી મદદ ખતમ થવાની શક્યતા છે. મિત્રો સાથે સંબંધોમાં ખટાશ પેદા થવાની શક્યતા છે. અધરી સ્થિતિ તમારી સામે આવીને ઉભી રહેશે. તેનાથી મોઢું ફેરવવા કરતા હિંમતથી તેનો સામનો કરવાની જરૂર છે. માર્ગદર્શન કરનારા લોકો તમારાથી દૂર થઈ શકે છે. એવી સ્થિતિમાં ગંભીર ચેલેન્જોનો સામનો કરવો પડશે. ન્યાયના મુદ્દાઓમાં નિર્ણય તમારા તરફી આવવાની શક્યતાઓ જણાઈ રહી છે. વાહન ચલાવતા તમારે સાવધાન રહેવાની જરૂર છે.

  • એકાગ થઈ મહેનત કરવાની જરૂર છે.
  • સ્ત્રીઓ કોઈના જીવનમાં તાકાઝાંકી ન કરે, પોતાની ચિંતા કરે.

મીનઃ રિસાયેલા લોકો નજીક આવવા મથશે

આ અઠવાડિયે તમને નિર્ણય લેવામાં મુશ્કેલી આવશે. જેને કારણે તમે હતાશ રહેશો. જૂના રિસાયેલા લોકો તમારી નજીક આવવાનો પ્રયત્ન કરશે. દૂર્દર્શી બનશો તો સફળતા અવશ્ય મેળવશો. સંયમ અનેક સમસ્યાઓનું નિદાન છે, જેને સમજીને ચાલજો. આંતરિક સંઘર્ષ વધશે, જેથી તમે લોકોના ચહેરા ઓળખી શકશો.

  • વિદ્યાર્થીઓની અભ્યાસને લગતી ચિંતા દૂર થશે.
  • સ્ત્રીઓ વિવેકથી કામ લે, નહિંતર રસ્તાથી ભટકી શકે છે.

English summary
Read Weekly Forecast, astrology prediction.
Please Wait while comments are loading...