Yearly horoscope 2017: સિંહ રાશિનું વાર્ષિક રાશિફળ 2017

Posted By:
Subscribe to Oneindia News

જાન્યુઆરી મહિનામાં સૂર્ય મકર રાશિમાં સંક્રમણ કરશે. મહિનાની શરૂઆતમાં મંગળ કુંભ રાશિમાં અને 18 જાન્યુઆરીએ મીન રાશિમાં સંક્રમણ કરશે. બુધ 9 જાન્યુઆરીએ માર્ગી થઈ ધન રાશિમાં ભ્રમણ કરશે સાથે જ શુક્ર કુંભ રાશિમાં ભ્રમણ કરશે. ગુરુ 4 જાન્યુઆરીએ તુલા રાશિમાં પ્રવેશ કરશે ઉપરાંત શનિ વૃશ્ચિક રાશિમાં ભ્રમણ કરશે. રાહુ અને કેતુ ક્રમશઃ સિંહ અને કુંભ રાશિમાં રહેશે.

Read also: Yearly horoscope 2017 : કન્યા રાશિનું વાર્ષિક રાશિફળ 2017

ત્યારે ગ્રહોની આ દશાને આધારે જ્યોતિષ મુજબ સિંહ રાશિના જાતકો માટે વર્ષ 2017 કેવું રહેશે જાણો અહીં. સાથે જ વર્ષના 12 મહિનાનું અલગ અલગ માસિક રાશિફળ પણ જાણો અહીં...

જાન્યુઆરી

જાન્યુઆરી

સિંહ રાશિના જાતકો માટે આ મહિનો સારો રહેશે. ગૃહ જીવનનો પૂરો આનંદ મળશે. તમારી વાણીની કુશળતા તમને અનેક લાભ કરાવશે. કુટુંબની કોઈ વ્યકિતની તબિયત બગડી શકે છે. ભાઈ-બંધુઓની મદદ મળી રહેશે. આ માસ દરમિયાન અનેક યાત્રાઓ થશે.

  • આર્થિક પક્ષ-તમારી આવક ઘણી સારી રહેશે.
  • આરોગ્ય-આરોગ્ય સારુ રહેશે, આરોગ્ય સુધારવા માટે અનેક રસ્તા અપનાવશો.
  • કેરિયર અને વ્યવસાય-નોકરી કરનારાને માન-સન્માન મળશે, બિઝનસ કરનારા આ દરમિયાન અનેક યાત્રાઓ દ્વારા લાભ મેળવશે.
  • લગ્નજીવન-દાંપત્યજીવન શ્રેષ્ઠ રહેશે.
  • પ્રેમ પ્રસંગ-તમે તમારા પ્રેમી તરફ વધુ આકર્ષાયેલા રહેશો.

ફેબ્રુઆરી

ફેબ્રુઆરી

આ મહિનો તમારા માટે મધ્યમ રહેશે. સંતાનનું શરદી સામે રક્ષણ કરજો. સરકારી કામોમાં પ્રગતિ આવશે. ભવિષ્યના કામો અંગે વડિલો સાથે ચર્ચા-વિચારણા થશે. સકારાત્મક વિચારોને લીધે તમારું મન સ્વસ્થ રહેશે. સુખ-સુવિધાના સાધનો પર નકામા ખર્ચા કરશો. નવા કામો કરવા માટે અત્યારે સમય ઉત્તમ છે.

  • આર્થિક પક્ષ-આ મહિને આવકમાં વધારાની શક્યતા છે.
  • આરોગ્ય-આરોગ્યમાં તમે અશકિતનો અનુભવ કરશો.
  • કેરિયર અને વ્યવસાય-નોકરી કરનારાને પ્રમોશન થઈ શકે છે. બિઝનસ કરનારાને કોઈ મોટો લાભ થઈ શકે છે.
  • લગ્નજીવન-દાંપત્યજીવનમાં સમય અનુકૂલ રહેશે. જીવનસાથી સાથે મજબૂત સંબંધ બંધાશે.
  • પ્રેમ પ્રસંગ- પ્રેમી સાથેની મુલાકાત સંતોષજનક રહેશે નહિં.

માર્ચ

માર્ચ

આ રાશિના જાતકો માટે આ મહિનો સામાન્ય રહેશે. મિત્રો સાથે તમારા સંબંધ મધુર રાખવાની જરૂર છે, નહિંતર આર્થિક નુકશાન ઉઠાવવું પડશે. મનમાંથી આળસ ખંખેરો. તમારા દુશ્મનો આ સમયમાં સક્રિય રહેશે. કોઈ વ્યકિત દ્વારા આર્થિક મદદ મળી શકે છે. રચનાત્મક કામો તમને ફળીભૂત થશે.

  • આર્થિક પક્ષ-માસના અંતે આર્થિક મુશ્કેલીનો સામનો કરવો પડશે.
  • આરોગ્ય-આ સમયે તમને શરીરનો સાથ મળી રહશે.
  • કેરિયર અને વ્યવસાય-વેપારને લઈ ખાસ કંઈ કરી શકશો નહિં. નોકરી કરનારા લોકો પોતાના બોસ સાથે સંબંધ સારો રાખે.
  • લગ્નજીવન-થોડા સમાધાનથી લગ્નજીવનમાં સુધારો લાવી શકાશે.
  • પ્રેમ પ્રસંગ-અત્યારે તમે તમારા સાથી પર વિશ્વાસ રાખી શકશો.

એપ્રિલ

એપ્રિલ

સિંહ રાશિના જાતકો માટે આ મહિનો થોડો તકલીફ વાળો રહશે. નકામા કોઈની સાથે અથડામણમાં પડશો નહિં, પરિણામ નકારાત્મક જ મળશે. આ સમયે તમને નિર્ણયો લેવામાં કેટલીક મુશ્કેલીઓ આવશે. ગૃહસ્થ જીવનના કામોમાં પ્રગતિ આવશે. કુટુંબમાં કોઈની વાતથી તમારું મન દુઃખ થશે. મિલકતને લગતા કામોમાં કેટલીક મુશ્કેલી આવી શકે છે.

  • આર્થિક પક્ષ-આર્થિક સ્થિતિ ખરાબ થઈ શકે છે.
  • આરોગ્ય-કાનની તકલીફ થઈ શકે છે.
  • કેરિયર અને વ્યવસાય-નોકરી કરનારા માટે સમય સારો નથી. તમારી સ્ત્રી સાથીથી સાચવીને રહેજો. વેપાર કરનારા ઉધાર કરશો નહિં.
  • લગ્નજીવન- લગ્નજીવનમાં જીવનસાથી સાથે તનાવ રહેશે.
  • પ્રેમ-પ્રસંગ-પ્રેમ-પ્રસંગમાં ઉતાવળા થશો નહિં.

મે

મે

સિંહ રાશિના જાતકો માટે આ મહિનો સામાન્ય રહેશે. સામાજીક કામોમાં સફળતા મેળવશો. ભાષાનો ઉપયોગ સમજી-વિચારીને કરજો. નજીકના સંબંધોમાં થોડી મજબૂતાઈ આવશે. રોજીંદા કામ કરવામાં મુશ્કેલી આવશે. દરેક વ્યકિત પર વિશ્વાસ કરશો નહિં.

  • આર્થિક પક્ષ-માસની શરૂઆતમાં સારી આવક થશે.
  • આરોગ્ય-ખાન-પાન પર કંટ્રોલ રાખજો, નહિંતર આરોગ્ય બગડી શકે છે.
  • કેરિયર અને વ્યવસાય-નોકરીમાં પદોન્નતિ થઈ શકે છે. વેપારમાં જેમ-તેમ કરીને કામ ચલાવવું પડશે.
  • લગ્નજીવન-પતિ-પત્નીના ઝગડા ચાલ્યા કરશે.
  • પ્રેમ પ્રસંગ- પ્રેમ કરનારા માટે સમય રોમાંચિત રહેશે.

જૂન

જૂન

જૂન માસ તમારા માટે સારું ફળ આપનારો રહેશે. સંતાન તરફથી સારા સમાચાર મળી શકે છે. વાહન, મકાન વગેરેની ખરીદી કરવાની ઈચ્છા ધરાવનારની ઈચ્છા પૂરી થશે. રોજીંદી જરૂરિયાતોઓ પૂરી થશે. કોઈ સ્ત્રીની મદદથી તમારા કેટલાક કામો પૂરા કરી શકશો. આદર્શ અને પ્રમાણિકતા પ્રત્યે મન આકર્ષાશે.

  • આર્થિક પક્ષ-સારી નાણાકીય સ્થિતિ જળવાઈ રહેશે.
  • આરોગ્ય-આ રાશિના કેટલાક જાતકોને દાંતનો દુખાવો થઈ શકે છે.
  • કેરિયર અને વ્યવસાય-નોકરી કરનારાને માસના દરેક દિવસ મોજ રહેશે. વેપારમાં સફળતાની પૂરી શક્યતા છે.
  • લગ્નજીવન-જીવનસાથી સાથે પ્રેમ વધશે.
  • પ્રેમ પ્રસંગ-પ્રેમ કરનારા અત્યારે સૌથી સારો સમય માણશે.

જુલાઈ

જુલાઈ

જુલાઈ મહિનો તમારા માટે સારો નથી. જે મુદ્દાથી કોઈ લેવા દેવા ન હોય તેવા મુદ્દાઓમાં દખલ દેશો નહિં. કોઈ એક મુદ્દે મન અને આત્મા બંનેનો સાથ મળશે નહિં. સંતાનની ચિંતા સતાવ્યા કરશે. ઘરનો સામાન મેળવવામાં કેટલીક મુશ્કેલીઓનો સામનો કરવો પડે. પિતા સાથે વૈચારિત મતભેદ થઈ શકે છે.

  • આર્થિક પક્ષ-માનસિક તનાવને લીધે કામમાં મન ન પરોવી શકવાને લીધે આર્થિક સ્થિતિ બગડશે.
  • આરોગ્ય-નાણાકીય હાની થવાને લીધે માનસિક સ્થિતિ સારી રહેશે નહિં, ડિપ્રેશનનો ભોગ બનશો.
  • કેરિયર અને વ્યવસાય-વ્યવસાયમાં રોકાણ કરતા પહેલા તેની પૂરતી ચકાસણી કરી લેજો. નોકરી કરનારા થોડું ધૈર્ય જાળવે.
  • લગ્નજીવન-પરસ્પર વિશ્વાસના અભાવે પતિ-પત્ની વચ્ચે અનબન રહેશે.
  • પ્રેમ પ્રસંગ-પ્રેમમાં આનંદ જળવાઈ રહેશે.

ઓગસ્ટ

ઓગસ્ટ

આ મહિનો સિંહ રાશિના જાતકો માટે મધ્યમ રહેશે. તમારી બૈધ્ધિક ક્ષમતામાં વધારો થશે. ધર્મ-કર્મ ક્ષેત્રે તમારું ધ્યાન ખેંચાશે. સંતાન તરફથી કોઈ શુભ સમાચાર મળી શકે છે. લેખિત કામોમાં ફાયદો જણાઈ રહ્યો છે. સામાજીક જવાબદારીઓ પૂરી કરી લેશો. બીજાના હિતને ધ્યાનમાં રાખીને તમારું કામ કરજો.

  • આર્થિક પક્ષ-સખત મહેનતથી જ તમને લાભ મળશે.
  • આરોગ્ય-ખાનપાનમાં કાળજી રાખજો નહિંતર ચરબીની સમસ્યાથી હેરાન થશો.
  • કેરિયર અને વ્યવસાય-વેપારમાં પ્રગતિની દિશા તરફ આગળ વધશો. નોકરી કરનારા સહકર્મિ સાથે સંબંધ બનાવીને રાખે.
  • લગ્નજીવન-લગ્નજીવનમાં ધીમે ધીમે પ્રેમ વધશે.
  • પ્રેમ પ્રસંગ-પ્રેમી સાથે બોલવાનું બંધ ન કરતા સંવાદ જાળવી રાખો.

સપ્ટેમ્બર

સપ્ટેમ્બર

આ રાશિના જાતકો માટે આ મહિનો સામાન્ય રહેશે. નજીકના લોકો સાથે સંબંધો વધુ મધુર બનશે. યાત્રાનો યોગ જણાઈ રહ્યો છે. ગંભીર વિચારણા તમારી મુશ્કેલીઓનો ઉકેલ શોધવામાં મદદ કરશે. આળસ કરશો નહિં, નહિંતર તમારા કામો અધૂરા રહી જશે. નકારાત્મકતાને પોતાના પર રાજ કરવા દેશો નહિં.

  • આર્થિક પક્ષ-વધુ પડતા કામના બોજાને લીધે આવક-જાવકના લેખા-જોખા જાળવી શકશો નહિં.
  • આરોગ્ય-આ રાશિના કેટલાક જાતકોને હરસની સમસ્યાથી હેરાન થવું પડશે.
  • કેરિયર અને વ્યવસાય-નોકરી કરનારા માટે સમયો સારો જણાતો નથી. વેપારમાં નવી તકો મળતા સુધારો લાવી શકશો.
  • લગ્નજીવન-લગ્નજીવન સુધરતા પ્રેમમાં વધારો થશે.
  • પ્રેમ પ્રસંગ-પ્રેમી યુગલો માટે સમય રોમાંસથી ભરપૂર રહેશે.

ઓક્ટોબર

ઓક્ટોબર

સિંહ રાશિના જાતકો માટે ઓક્ટોબર મહિનો સારો જણાઈ રહ્યો નથી. કોઈની નકામી વાતોથી તમને ગુસ્સો આવશે. કુટુંબમાં કેટલીક મુશ્કેલીનો સામનો કરવો પડશે. સમયની ઉપયોગીતાને ધ્યાનમાં રાખી કામ કરશો તો જ તમારુ લક્ષ્ય પૂરું કરી શકશો. ઓફિસના કામમાં સતર્ક રહેવાની જરૂર છે.

  • આર્થિક પક્ષ-કેટલાક લોકો ઉધાર પૈસા આપવાથી બચે, નહિંતર તમારું નાણું પાછું મળશે નહિં.
  • આરોગ્ય-ડાયાબિટીસના દર્દીઓ પોતાનું ખાસ ધ્યાન રાખે.
  • કેરિયર અને વ્યવસાય-વ્યવસાય કરનારાઓ માટે સમય અનુકૂળ છે. નોકરી કરનારા વર્ક લોડથી પરેશાન રહેશે.
  • લગ્નજીવન-જીવનસાથી તમને પૂરતી મદદ કરશે.
  • પ્રેમ પ્રસંગ- પ્રેમી યુગલો માટે સમય સારો નથી.

નવેમ્બર

નવેમ્બર

તમારા માટે નવેમ્બર માસ સારુ ફળ આપનારો રહેશે. આ સમયે તમને વાહન-સુખ મળી શકે છે. જીવનસાથીની મદદ મળી રહેતા તમારી સ્થિતિમાં સુધારો આવશે. ભાગ્ય તમારી સાથે છે. સ્પર્ધાત્મક પરીક્ષાની તૈયારી કરનારાઓ માટે સમય અનુકૂળ છે. ગૃહ જીવનનો ભરપૂર આનંદ મળશે. ભાઈ-બંધુઓ હંમેશા મદદ માટે હાજર રહેશે.

  • આર્થિક પક્ષ-તમારો આર્થિક પક્ષ આ માસ દરમિયાન મજબૂત જણાઈ રહ્યો છે.
  • આરોગ્ય-આ સમયે તમારે તમારા આરોગ્ય પ્રત્યે વિશેષ ધ્યાન આપવાની જરૂર છે.
  • કેરિયર અને વ્યવસાય-નોકરી કરનારા પ્રોમોશનનો લાભ ઉઠાવી શકશે. વેપારીઓને રોકાણ કરવાથી લાભ મળશે.
  • લગ્નજીવન-લગ્નજીવનમાં સુધારો જોવા મળશે.
  • પ્રેમ પ્રસંગ-એકબીજાને ગિફ્ટ આપી ખુશ કરશો.

ડિસેમ્બર

ડિસેમ્બર

આ મહિનો તમારા માટે ઠીક-ઠાક કહી શકાય તેમ છે. સરકારી કામોમાં પ્રગતિ આવશે. તમારી યોજનાઓને લઈ તમારી ટીમ સાથે ચર્ચા-વિચારણા થશે. વિચારો સકારાત્મક રાખશો તો વધુ લાભ મેળવી શકશો, મન સ્વસ્થ રહેશે. ભોતિક સુખના સાધનો પર શક્યતા કરતા વધુ ખર્ચ કરી બેસશો. કોઈ કામમાં નવી શરૂઆત માટે હાલ થોડી રાહ જોવી પડશે.

  • આર્થિક પક્ષ-આર્થિક સ્થિતિમાં ઉતાર-ચઢાવ ચાલતા રહેશે.
  • આરોગ્ય-આ રાશિના જાતકોનુ સ્વાસ્થ્ય બગડી શકે છે.
  • કેરિયર અને વ્યવસાય-કેરિયરને લઈ સતર્ક રહો, ઉધાર લેવાથી બચો. નોકરીમાં પ્રમોશનની પૂરી શક્યતાઓ છે.
  • લગ્નજીવન-લગ્નજીવનમાં સંબંધો મીઠા બનશે.
  • પ્રેમ પ્રસંગ- તમારો સાથી તમારી સાથે દગો કરી શકે છે.

English summary
Read year horoscope, astrology and predictions of 2017 in gujarati. Get the complete year prediction for 2017. Year prediction of Leo. Varshikrashiphal 2017 of your zodiac sign will help you.
Please Wait while comments are loading...