For Quick Alerts
For Daily Alerts
બજેટ રજૂ થયા પછી હવે તમારા પગાર પર કેટલો ટેક્સ લાગશે?
આ વખતના બજેટમાં કર છૂટની સીમા વધારવામાં નથી આવી, પરંતુ એક સ્લેબ પર લાગતો ટેક્સ અડધો કરવામાં આવ્યો છે, જેને કારણે હવે એ સ્લેબના વ્યક્તિઓને ઘણી રાહત મળશે.
સરકારે વર્ષ 2017-18નું બજેટ રજૂ કરી દીધું છે. આ વખતના બજેટમાં કર છૂટની સીમા વધારવામાં નથી આવી, પરંતુ એક સ્લેબ પર લાગતો ટેક્સ અડધો કરવામાં આવ્યો છે, જેને કારણે હવે એ સ્લેબના વ્યક્તિઓને ઘણી રાહત મળશે. સરકારે 2.5 લાખ રૂપિયાથી 5 લાખ રૂપિયા સુધીની વાર્ષિક આવક ધરાવતા લોકોને મોટી રાહત આપી છે. આવો જાણીએ આ વર્ષના બજેટ પછી હવે કેટલી આવક પર કેટલો ટેક્સ લાગશે?
અહીં વાંચો - #Budget2017: રાહુલ ગાંધીએ કહ્યું, આ શેરો-શાયરીનું બજેટ છે
- જો તમારી આવક 2.5 લાખ રૂપિયા કે તેથી ઓછી છે, તો તમારી પર કોઇ ટેક્સ નહીં લાગે.
- જો તમારી આવક 2.5 લાખથી 5 લાખની વચ્ચે છે, તો તમારી આવક પર 5 ટકા ટેક્સ લાગશે. પહેલાં આ ટેક્સ 10 ટકા હતો, જે હવે ઘટાડીને અડધો કરી દેવામાં આવ્યો છે. આ સિવાય આવકવેરા પર 3 ટકા એજ્યુકેશન સેસ લાગશે.
- જો તમારી વાર્ષિક આવક પ લાખ રૂપિયાથી 10 લાખ રૂપિયાની છે, તો તમારે આવકના 20 ટકા ટેક્સ ભરવાનો રહેશે અને સાથે જ આવકવેરા પર 3 ટકા એજ્યુકેશન સેસ લાગશે.
- તમારી વાર્ષિક આવક 10 લાખથી 50 લાખની વચ્ચે હોય તો 30 ટકા ટેક્સ ભરવાનો રહે છે અને આવકવેરા પર 3 ટકા એજ્યુકેશન સેસ લાગશે.
- 50 લાખથી 1 કરોડ રૂપિયા સુધીની વાર્ષિક આવક ધરાવતા લોકોને પણ 30 ટકા ટેક્સ ભરવાનો રહે છે અને સાથે જ આવકવેરા પર 10 ટકા સરચાર્જ અને આવકવેરાના 3 ટકા એજ્યુકેશન સેસ રૂપે ભરવાના રહે છે.
- જો તમારી વાર્ષિક આવક રૂપિયા 1 કરોડથી વધુ હોય તો તમારે 30 ટકા ટેક્સ અને આવકવેરાના 15 ટકા સરચાર્જ ભરવાનો રહે છે. સાથે જ 3 ટકા એજ્યુકેશન સેસ પણ આપવાનો રહે છે.
Comments
English summary
Impact of budget 2017 on your personal income, salary. How much tax you have to pay as per your salary?