Jio Phone બુકિંગ સાંજે 5:30 વાગ્યાથી થશે શરૂ
રિલાયન્સ જીયો ફોનની સાંજે 5 વાગ્યા પછી થશે ઓનલાઇન બુકિંગ. ત્યારે શું છે આ ફોનમાં ખાસ તે અંગે વધુ જાણો અહીં.
Jio મોબાઇલ ફોન ખરીદવા માટે લાંબા સમયથી રાહ જોતા લોકો હવે ગણતરીના કલાકોમાં આ ફોન લેવા માટે ઓનલાઇન બુકિંગ કરાવી શકશે. 24 ઓગસ્ટ સાંજે 5:30 વાગે જીઓ મોબાઇલ ફોનનું બુકિંગ શરૂ થશે. ફોનની કિંમત 1500 રૂપિયા છે જે રિફંડેબલ છે. ઉલ્લેખનીય છે કે આ ફોનની જાહેરાત રિલાયન્સે પોતાની વાર્ષિક જનરલ મીટિંગમાં કરી હતી. ત્યારે આ ફોનનું બુકિંગ પણ વહેલા તે પહેલાના આધારે કરવામાં આવી રહ્યું છે.
ઉલ્લેખનીય છે કે આ ફોનમાં તમારે સિક્યોરીટી પેટે જ 1500 રૂપિયા આપવાને છે જે પાછળથી તમને પાછા મળશે. સાથે જ 153 રૂપિયા ભરે તમે દર મહિને કોલિંગ અને અનલિમિટેડ ડેટાની સુવિધા ઉઠાવી શકશો. સાથે જ તેમાં મેસેજિંગ અને મનોરંજન માટે પણ અનેક સુવિધા છે. વધુમાં ઘરના ટીવી સાથે જોડેને પણ તમે તમારી ગમતી સિરિયલ આ ફોન દ્વારા જોઇ શકો છો. ત્યારે સાંજે મોટી સંખ્યામાં લોકો જીયો ફોન માટે બુકિંગ કરાવશે તેવું માનવામાં આવી રહ્યું છે.