21 જુલાઇએ મુકેશ અંબાણી કરશે મોટો ધમાકો, જાણો શું?
રિલાયન્સ જીયોના માલિક મુકેશ અંબાણી 21 જુલાઇના રોજ કરી શકે છે મોટી જાહેરાત. સંભાવના છે કે એજીએમની મીટીંગમાં મુકેશ લોન્ચ કરી તેમનો નવો 4જી ફોન. ત્યારે જાણો શું ખાસ આ ફોનમાં અહીં.
મુકેશ અંબાણીએ રિલાયન્સ જીયોને બજારમાં લોન્ચ કરીને ટેલિકોમ ઇન્ડસ્ટ્રીમાં ભૂકંપ લાવી ચૂક્યા છે. પણ ફરી એક વાર કંઇક આવું જ ધમાકેદાર તે કરશે 21 જુલાઇના રોજ. આ વખતે તે એજીએમ (એનુઅલ જનરલ મીંટીગ) દ્વારા આ ધમાકો કરે તેવી સંભાવનાઓ પ્રબળ થઇ રહી છે. ઉલ્લેખનીય છે કે જીયો તેનો સસ્તો ફિચર ફોન લાવી રહ્યું છે. ત્યારે 21મી જુલાઇના રોજ જ આ ફોન બજારમાં લોન્ચ થાય જાણકારી મળી છે. અને મીટિંગ સાથે મુકેશ અંબાણી ફોનની લોન્ચિંગ પણ કરી શકે છે. તો શું ખાસ આ મોબાઇલમાં જાણો અહીં...
500 રૂપિયામાં ફોન
બિઝનેસ સ્ટાન્ડર્ડ મુજબ રિલાયન્સ જીયો માટે આ સૌથી સસ્તો ફોન ફોક્સકોન બનાવી રહ્યા છે. જ્યારે બીજી તરફ ઇકોનોમિક ટાઇમ્સ તેવો દાવા કરી રહ્યું છે કે આ ફોન ઇંટેક્સ બનાવી રહી છે. વળી જાણવામાં તે પણ આવ્યું છે કે આ ફોનની કિંમત 500 રૂપિયા સુધીની હોઇ શકે છે. અને તે આજના સમયનો સૌથી સસ્તો 4જી ફોન હશે. વળી મોટા ભાગના જાણકારોનું માનવું છે કે આ ફોનની કિંમત 1500 રૂપિયાથી તો ઓછી જ હશે.
2 મેગાપિક્સલ કેમેરા
વધુમાં રિલાયન્સ જીયો જે રીતે 4જી સિમ લાવ્યા પહેલા લગભગ 6 મહિના સુધી પોતાના ગ્રાહકોને મફત સેવાઓ આવી અને વધુમાં ઘન ઘના ઘન ઓફર અને સમર સરપ્રાઇઝ ઓફર દ્વારા પોતાના ગ્રાહકોને બાંધી રાખ્યા તે રીતે જ 4જી સ્માર્ટફોનમાં પણ ગ્રાહકોની સંખ્યા વધારવા માટે તેણે આ ફોનમાં કેટલીક ખાસ સેવાઓ પણ લાવી રહ્યું છે તેમ મનાય છે. આ ફોનમાં 2 મેગા પિક્સલ કેમેરા અને ટોર્ચ જેવી સુવિધાઓ આપવાની વાત કહેવામાં આવી છે.
ખાલી જીયોનું સીમ ચાલશે!
તેના ફ્રંટ કેમેરા વીજીએ હશે. અને ફોનની ખાસ વાત એ છે કે તેમાં વાઇફાઇ ટેથરિંગની સુવિધા પણ હશે. જો કે આ ફોનનું માઇન્સ પોઇન્ટ કહેવું હોય એ છે કે તે ખાલી રિલાયન્સ 4જીને જ સપોર્ટ કરશે. તો જો તમારી જોડે રિલાયન્સ જીયોનું સીમ હશે તો આ સસ્તો ફોન તમારા માટે ફાયદાકારક રહેશે.
8 જીબી મેમરી
વળી તેમાં 8 જીબી મેમરી રહેશે. વળી તે ફીચર ફોન હોવાથી એન્ડ્રોઇડ નહીં હોય તેમ મનાય છે. સાથે જ ફોનમાં 1800mAh બેટરી હશે. વળી આ ફોનથી તમે સોશ્યલ નેટવર્કિંગ સાઇટનો પણ ઉપયોગ કરી શકશો.