ખુશખબર: SBIએ NEFT અને RTGSની ફી કરી ઓછી
એસબીઆઇના ગ્રાહકો માટે સારા ખબર. SBIએ NEFT અને RTGSની ફી ઓછી કરી છે. જાણો આ અંગે વધુ અહીં.
દેશની સૌથી મોટી સાર્વજનિક બેંક ભારતીય સ્ટેટ બેંક એટલે કે SBI તેના ગ્રાહકો માટે એક સારી ખબર લઇને આવ્યું છે. બેંકે ગુરુવારે નેશનલ ઇલેક્ટ્રોનિક ફંડ ટ્રાંસફર (NEFT) અને રિયલ ટાઇમ ગ્રોસ સેટલમેન્ટ (RTGS) ની લેતીદેતીની ફીમાં 75 ટકાનો કાપ કર્યો છે. બન્ને સેવાઓ પર બેંકનો આ કાપ 15 જુલાઇથી લાગુ થશે. બેંકોનું કહેવું છે કે આ કાપ તેના ઇન્ટરનેટ બેંકિગ અને મોબાઇલ બેંકિગ સેવાઓની લેવડ દેવડ પર પણ લાગુ થશે.
એસબીઆઇના એમડી રજનીશ કુમારે કહ્યું કે એનઇએફટી અને આરટીજીએસની લેવડ દેવડ પર લાગતી ફી અમે ઓછી કરી લીધી છે આ પગલું અમે બેકિંગ અને મોબાઇલ બેંકિગને આગળ વધારવા માટે લીધુ છે. એટલું જ નહીં બુધવારે ભારતીય સ્ટેટ બેંકે 1000 રૂપિયા સુધીની ત્વરિત ચૂકવણી સેવા (IMPS) ફંડ ટ્રાંસપરની પણ ફી નીકાળી દીધી હતી. માનવામાં આવી રહ્યું છે બેંક આવું એટલા માટે કરી રહી છે કે જેના કારણે ડિઝિટલ લેતી દેતી વધે. જો કે તમામ નાણાંકીય લેવડ દેવડ પર 18 ટકા જીએસટી લાગશે.