Infosysના વિશાલ સિક્કાએ એમડી અને સીઇઓ પદેથી આપ્યું રાજીનામું
ઇન્ફોસિસના એમડી અને સીઇઓ તેવા વિશાલ સિક્કાએ તેમના પદ પરથી આપ્યું રાજીનામું. ઇન્ફોસિસે પણ તેમનું આ રાજીનામું સ્વીકારી લીધું છે. ત્યારે કોણ છે ઇન્ફોસિસના નવા સીઇઓ જાણો અહીં.
ઇન્ફોસિસના થોડા સમય પહેલા જ બનેલા સીઇઓ અને એમડી વિશાલ સિક્કાએ પણ તેમના આ પદેથી રાજીનામું આપી દીધું છે. એટલું જ નહીં કંપનીના સેક્રેટરી એજીએસ મણિકાંતે પણ આ વાતની સ્વીકારતા જણાવ્યું છે કે ઓગસ્ટ 18ની બોર્ડ મિટિંગમાં વિશાલ સિક્કાનું આ રાજીનામું કંપનીએ સ્વીકારી લીધું છે. અને હવે તે આ પદ પર નથી. જો કે સિક્કા હવે કંપનીના એક્સિક્યૂટિવ વાઇસ-ચેરમેન તરીકેનું પદ સંભાળશે.
સિક્કાની જગ્યાએ હાલ પૂરતો કંપનીનો કારોભાર યુબી પ્રવિણ રાવ સંભાળશે. ઇન્ફોસિસના વચગાળાના સીઇઓ બનેલા તેવા રાવ પાસે 30નો અનુભવ છે. તેઓ 1986માં ઇન્ફોસિસમાં જોડાયા હતા. અને તેમણે હેડ ઓફ ઇન્ફ્રાસ્ટ્રચર મેનેજમેન્ટ સર્વિસ, યુરોપના ડિલિવરી હેડ ઓફ રિટેલ જેવા અનેક મહત્વના પદ આ કંપનીમાં આ પહેલા સંભાળ્યા છે. રાવે બેંગ્લોરથી ઇલેક્ટ્રોનિક એન્જિનિયરની ડિગ્રી મેળવી છે. અને તે એક્સિક્યૂટીવ કાઉન્સીલ ઓફ નાસકોમ અને નેશનલ કાઉન્સિલ ઓફ કોન્ફેડરેશન ઓફ ઇન્ડિયન ઇન્ડસ્ટ્રીના સભ્ય પણ છે.