IPL પૂરી થતાં અમિતાભ બચ્ચનના ફેન્સ થયા ખુશ, કેમ કે...

Written By:
Subscribe to Oneindia News

અમિતાભ બચ્ચનને પિતા અને પુત્રના ડબલ રોલમાં ચમકાવતી ફિલ્મ સૂર્યવંશમ આજથી 18 વર્ષ પહેલા રિલીઝ થઇ હતી. એ સમયે આ ફિલ્મ એટલી ફેમસ નહીં થઇ હોય, જેટલી આજે છે. ફિલ્મ બોક્સઓફિસ પર કંઇ ખાસ કમાલ નહોતી દેખાડી શકી, પરંતુ ટેલિવિઝન પર આ ફિલ્મ વારંવાર દેખાડવામાં આવે છે. નાના પડદે સૌથી વધુ વાર દેખાડવામાં આવતી ફિલ્મોમાંની એક છે અમિતાભની સૂર્યવંશમ.

આ પાછળનું કારણ છે કે, સેટ મેક્સ ચેનલે આ ફિલ્મના પ્રસારણના રાઇટ્સ 100 વર્ષ માટે ખરીદી લીધાં છે. પરંતુ સેટ મેક્સના દર્શકો આ ફિલ્મ જોઇ જોઇને કંટાળી ગયા છે, સોશિયલ મીડિયા પર આ ફિલ્મના અનેક મેમ્સ ફરતા થયા છે.

બિગ બીનું ટ્વીટ

સૂર્યવંશમ ફિલ્મને 18 વર્ષ પૂરા થતાં અમિતાભ બચ્ચને કંઇક આ રીતે પોતાની ખુશી વ્યક્ત કરી હતી. તેમણે લખ્યું હતું, "સૂર્યવંશમના 18 વર્ષ પૂર્ણ, ડાયનામિક સ્ટોરી..ફિલ્મ ટીવી પર ખૂબ દેખાડવામાં આવે છે..મને ઘણાં એવા લોકો મળે છે જેમને આ ફિલ્મ ખૂબ પસંદ પડી છે." જો કે, બિગ બીની આ ફિલ્મ જેમને પસંદ પડી છે, એ લોકો સોશિયલ મીડિયા પર ક્યાંય દેખાતા નથી.

સૂર્યવંશમ માટે આતુર

સૂર્યવંશમ માટે આતુર

આઇપીએલના છેલ્લા દિવસે સોશિયલ મીડિયા પર કંઇક આ પ્રકારના ટ્વીટ જોવા મળ્યા હતા. 'બાય બાય આઇપીએલ, આખરે હવે હીરા ઠાકુરને ઝેરવાળી ખીર મળશે.' આ ફિલ્મમાં અમિતાભના એક પાત્રનું નામ હીરા ઠાકુર છે એ તો તમને યાદ જ હશે!

સન્માન આપો

સૂર્યવંશમના 18 વર્ષ પૂરા થતાં આ જોક સોશિયલ મીડિયા પર વાયરલ થયો હતો. ફિલ્મમાં અમિતાભનું પાત્ર હીરા ઠાકુર કમાણી માટે બસ ડ્રાઇવરનું કામ કરે છે. એના આધારે અહીં કહેવાયું છે, છેલ્લા 18 વર્ષથી બસ ચલાવતા આ વ્યક્તિને સન્માન મળવું જ જોઇએ.

1872થી આવે છે સૂર્યવંશમ

1872થી આવે છે સૂર્યવંશમ

અમિતાભ બચ્ચનના જ ટ્વીટ પર એક મસ્તીખોર ટ્વીટર યૂઝરે ટ્વીટ કરતાં લખ્યું હતું, 'સૂર્યવંશમને માત્ર 18 વર્ષ પૂરા થયાં? પરંતુ સોની મેક્સ પર તો 1872થી આ ફિલ્મ આવે છે.' આ ફિલ્મ ટેલિવિઝન પર સૌથી વધુ વાર પ્રસારિત કરવામાં આવતી ફિલ્મોમાંની એક છે.

સૂર્યવંશમની હીરોપંતી

ફિલ્મ હીરોપંતીના ટાઇગર શ્રોફના ફેમસ ડાયલોગ પરથી આ મેમ બનાવવામાં આવ્યું છે. ફિલ્મમાં ટાઇગર કહે છે, 'હીરોપંતી...સબકો આતી નહીં, મેરી જાતી નહીં..' કોઇ ચેનલ પર નહીં, પરંતુ સેટ મેક્સ પર આ ફિલ્મ વારંવાર બતાવવામાં આવે છે.

ઐશ્વર્યાએ પણ ઉડાવી મજાક?

ઐશ્વર્યા, અભિષેક અને આરાધ્યાના આ ફેમિલી ફોટોનું મેમ તો અત્યંત મજેદાર છે. ફિલ્મમાં અમિતાભનું નામ હીરા ઠાકુર છે, એ ફિલ્મ જોઇને આરાધ્યા પણ પોતાના દાદાને હવે હીરા ઠાકુર કહેવા લાગી છે.

જયા બચ્ચન

જયા બચ્ચન

એક યૂઝરે ટ્વીટ કરતાં લખ્યું હતું, સૂર્યવંશમનો એવો આતંક છવાયો છે કે હવે તો જયા બચ્ચનને પણ લાગવા માંડ્યું છે કે અભિષેકનો એક મોટો ભાઇ છે, જેનું નામ હીરા ઠાકુર છે.

English summary
Amitabh Bachchan's Sooryavansham completes 18 years and social media is going crazy.
Please Wait while comments are loading...