Ouch! જસ્ટિન બીબરની લોકપ્રિયતા આ સેલિબ્રિટિઝને પડી ભારે!

Posted By:
Subscribe to Oneindia News

બુધવારના રોજ મુંબઇ માં જસ્ટિન બીબર નો કોન્સર્ટ યોજાયો હતો, આ કોન્સર્ટમાં અનેક બોલિવૂડ સિતારાઓ પણ પહોંચ્યા હતા. 23 વર્ષીય જસ્ટિનની પોપ્યૂલારિટી ગજબ છે, મોટા ભાગના બોલિવૂડ સિતારાઓ કે તેમના કિડ્સ આ સિંગરના ફેન છે. આ જસ્ટિનની પહેલી ભારતની મુલાકાત હતી, જે માટે અનેક તૈયારીઓ કરવામાં આવી હતી. જો કે, આ ચક્કરમાં કેટલાક જાણીતા બોલિવૂડ સેલેબ્સને મુસીબતોનો સામનો કરવાનો વારો આવ્યો હતો.

મુંબઇમાં જસ્ટિનની એન્ટ્રી

મુંબઇમાં જસ્ટિનની એન્ટ્રી

મંગળવારે રાત્રે લગભગ 1 વાગ્યે જસ્ટિન બીબર મુંબઇ એરપોર્ટ પહોંચ્યા હતા. તેમના સ્વાગત માટે મીડિયા ઉપરાંત અનેક સુરક્ષા કર્મચારીઓ ત્યાં હાજર હતા. એક કારનો આખો કાફલો જસ્ટિનને વેલકમ કરવા પહોંચ્યો હતો. સલમાન ખાનના વિશ્વાસુ બોડીગાર્ડ શેરાને ખાસ જસ્ટિનની સુરક્ષા માટે નિમવામાં આવ્યા હતા. જો કે, આ જ સમયે અન્ય એક જાણીતા બોલિવૂડ એક્ટરનું પણ મુંબઇ એરપોર્ટ પર આગમન થયું હતું.

અક્ષય કુમારને ન ઓળખ્યાં કોઇએ

અક્ષય કુમારને ન ઓળખ્યાં કોઇએ

ઉલ્લેખનીય છે કે, ખેલાડી કુમાર અક્ષય પીએમ મોદીને મળવા દિલ્હી ગયા હતા અને તેઓ લગભગ જસ્ટિનની સાથે સાથે જ મુંબઇ એરપોર્ટ પર પહોંચ્યા હતા. અક્ષય પહોંચ્યા ત્યારે ફેન્સ આતુરતાથી જસ્ટિન બીબરની રાહ જોઇ રહ્યાં હતા. એરપોર્ટમાંથી બહાર નીકળતી અક્ષયની હાઇ સિક્યોરિટીવાળી કાર જોઇ લોકોને લાગ્યું કે તે જસ્ટિનની કાર છે અને આથી લોકોએ કારને ઘેરી લીધી. થોડા સમય બાદ લોકોને ખબર પડી કે કારમાં જસ્ટિન નહીં અક્ષય કુમાર બેઠા છે. લોકોએ જસ્ટિન સમજીને તેમની કાર ઘેરી હતી, એ જાણીને અક્ષયને કેવું લાગ્યું હશે એ તો એ જ જાણે.

 જેકલિન ફર્નાન્ડિઝ

જેકલિન ફર્નાન્ડિઝ

જસ્ટિન તરફથી બીજો ઝાટકો મળ્યો સુંદર એક્ટ્રેસ જેકલિનને. જસ્ટિન બીબર પોતાના કોન્સર્ટ બાદ એક હાઇ પ્રોફાઇલ આફટર પાર્ટી એટેન્ડ કરવાના હતા, જેની ઓફિશિયલ હોસ્ટ હતી જેકલિન. જો કે, કોન્સર્ટ બાદ જસ્ટિને અચાનક જ સ્ટેડિયમ છોડવાનો નિર્ણય લઇ લીધો અને જેકલિને વીલા મોઢે પાછા ફરવું પડ્યું. જેકલિન હાલ લંડનમાં જુડવા 2નું શૂટિંગ કરી રહી છે, જે છોડીને તે ખાસ જસ્ટિનની આફ્ટર પાર્ટી હોસ્ટ કરવા મુંબઇ પહોંચી હતી.

બિપાશા બાસુ-કરણ સિંહ ગ્રોવર

બિપાશા બાસુ-કરણ સિંહ ગ્રોવર

અન્ય બોલિવૂડ સેલિબ્રિટીઝના માફક બિપાશા અને કરણ પણ આ કોન્સર્ટમાં પહોંચ્યા હતા. જો કે, તેમણે પાંચ જ મિનિટમાં સ્ટેડિયમ છોડી નીકળી જવું પડ્યું હતું. વાત એમ બની કે, કરણ અને બિપાશાને જોઇ લોકો જોર-જોરથી બૂમો પાડવા લાગ્યા, આ બૂમા-બૂમ અને હૂટિંગથી બચવા માટે બંન્ને 5 જ મિનિટની અંદરે સ્ટેડિયમમાંથી નીકળી ગયા હતા.

English summary
Justin Bieber's popularity seems to be troublesome for few Bollywood celebs
Please Wait while comments are loading...