OSOનું ઇન્ટરનેશનલ મ્યૂઝિકલ એડપ્શન અને પાર્ટ-2ની તૈયારી

Written By:
Subscribe to Oneindia News

વર્ષ 2007માં આવેલ ફરાહ ખાનની ફિલ્મ 'ઓમ શાંતિ ઓમ' તો સૌને યાદ જ હશે, શાહરૂખ ખાન, દીપિકા પાદુકોણ અને અર્જુન રામપાલને ચમકાવતી આ ફિલ્મનું મ્યૂઝિકલ એડોપ્શન કરવામાં આવ્યું છે. આ પહેલી એવી બોલિવૂડ ફિલ્મ છે, જેનું ઇન્ટરનેશનલ લેવલ પર મ્યૂઝિકલ રૂપાંતરણ કરવામાં આવ્યું છે. આ અંગે ડારેક્ટર ફરાહ ખાને જાતે માહિતી આપી હતી, સાથે જ તેણે આ ઇવેન્ટની કેટલીક તસવીરો પણ સોશિયલ મીડિયા પર પોસ્ટ કરી હતી.

ફરાહ ખાને આપી જાણકારી

ફિલ્મની ડાયરેક્ટર ફરાહ ખાન, જે હાલ જાપાનમાં છે તેણે ટ્વીટ કરી આ અંગે જાણકારી આપી હતી. સાથે જ ફરાહ ખાને આ આ મ્યૂઝિકલ એડપ્શનની પ્રીમિયર નાઇટનો એક ફોટો પણ શેર કર્યો હતો. ફરાહ ખાન છેલ્લા થોડા દિવસથી જાપાનમાં છે અને તે આ મ્યૂઝિકલ પ્લેની ઇવેન્ટની વિવિધ તસવીરો સોશિયલ મીડિયા પર શેર કરી રહી છે.

દીપિકા પાદુકોણે વ્યક્ત કર્યો આભાર

દીપિકા પાદુકોણે વ્યક્ત કર્યો આભાર

આ સમાચાર પર ખુશી વ્યક્ત કરતાં દીપિકા પાદુકોણે પણ ટ્વીટ કર્યું હતું. સાથે જ તેણે ફરાહ ખાનનો આભાર પણ માન્યો હતો. નોંધનીય છે કે, દીપિકાએ આ ફિલ્મ થકી જ બોલિવૂડમાં પદાર્પણ કર્યું હતું.

ખુશ-ખુશાલ OSO ટીમ

ખુશ-ખુશાલ OSO ટીમ

આ ફિલ્મમાં શાહરૂખ અને દીપિકા સિવાય અર્જુન રામપાલ, શ્રેયસ તલપડે અને કિરણ ખેર પણ મહત્વપૂર્ણ રોલમાં જોવા મળ્યા હતા. અર્જુન રામપાલ અને શ્રેયસ તલપડેએ પણ આ અંગે પોતાની ખુશી ટ્વીટર પર વ્યક્ત કરી હતી. ફિલ્મના મ્યૂઝઇક ડાયરેક્ટર વિશાલ-શેખરે પણ ફરાહનો અભિનંદન પાઠવ્યા હતા અને શેખરે ટ્વીટ કરી શાહરૂખ અને ફરાહ ખાનનો આભાર માન્યો હતો.

શાહરૂખ ખાને કહ્યું, ચાલ પાર્ટ-2 બનાવીએ

શાહરૂખ ખાને કહ્યું, ચાલ પાર્ટ-2 બનાવીએ

ફરાહ ખાને શુક્રવારે આ મ્યૂઝિકલ પ્રોગ્રામના ડ્રેસ રિહર્સલમાં એક જેકેટનો ફોટો પોસ્ટ કર્યો હતો અને લખ્યું હતું કે, આપણે શાહરૂખ ખાન માટે આ સુંદર જેકેટ બનાવવાનું હતું. ફરાહ ખાનના આ ટ્વીટ પર રિપ્લાય કરતાં શાહરૂખ ખાને લખ્યું હતું, હવે આપણે પાર્ટ-2માં આ કરીશું. તો શું ખરેખર શાહરૂખ અને ફરાહ આ સુપરહિટ ફિલ્મનો પાર્ટ 2 પ્લાન કરી રહ્યાં છે?

English summary
Om Shanti Om 1st bollywood film to get its own international musical adaptation, informs Farah Khan on Twitter.
Please Wait while comments are loading...