Posters Out : જુઓ પ્રકાશ ઝાની આગામી 5 ફિલ્મોના First Look
મુંબઈ, 1 નવેમ્બર : બૉલીવુડના જાણીતા દિગ્દર્શક પ્રકાશ ઝા આગામી દિવસોમાં પોતાની જૂની ફિલ્મોની સિક્વલ સહિત 6 નવી ફિલ્મો લઈને આવી રહ્યા છે. તેમણે ગત બુધવારે મુંબઈમાં યોજાયેલ એક ઇવેંટ દરમિયાન આ જાહેરાત કરી હતી. આ પ્રસંગે તેમના લકી સ્ટાર અભિનેતા અજય દેવગણ પણ હાજર હતાં. આ જાહેરાત બાદ પ્રકાશ ઝાની પાંચ ફિલ્મોના પોસ્ટર્સ રિલીઝ થઈ ગયા છે.
પ્રકાશ ઝા અને અજય દેવગણે આ પ્રસંગે પ્રકાશ ઝાની આગામી પાંચ ફિલ્મોની જાહેરાત કરી હતી. આ પાંચ ફિલ્મોમાં રાજનીતિ 2, ગંગાજલ 2, સત્સંગ, ફ્રૉડ સૈયાં, વી આર કુક્કડ ફૅમિલી અને લિપસ્ટિકવાલે સપનેનો સમાવેશ થાય છે. પ્રકાશ ઝાએ જણાવ્યું કે રાજનીતિ 2 અને ગંગાજલ 2 સિક્વલ હશે, જ્યારે એક અન્ય ફિલ્મ સત્સંગ હશે. તેમણે જણાવ્યું કે સત્સંગ અને રાજનીતિ 2માં અજય દેવગણ હશે, પરંતુ ગંગાજલ 2માં અજય રિપીટ નહીં કરાય. રાજનીતિ 2010માં આવી હતી કે જેમાં અજય સાથે રણબીર કપૂર, મનોજ બાજપાઈ, અર્જુન રામપાલ અને કૅટરીના કૈફે મુખ્ય ભૂમિકાઓ ભજવી હતી.
પ્રકાશ ઝાએ જણાવ્યું કે ગંગાજલ 2માં લીડ રોલ કોઇક અભિનેત્રીનો હશે. હાલ હીરોઇનનું નામ નક્કી નથી, પણ તેની શોધ ચાલુ છે. બીજી બાજુ સત્સંગમાં કૅટરીના કૈફ પણ નજરે પડશે. તેવી જ રીતે રાજનીતિ 2માં પણ કૅટરીના કૈફ મહત્વના રોલમાં નજરે પડવાના છે.
ચાલો નજર નાંખીએ પાંચ ફિલ્મોના પોસ્ટર્સ પર :
પાંચ ફિલ્મોની જાહેરાત
પ્રકાશ ઝાએ ગત બુધવારે પોતાની આગામી પાંચ ફિલ્મોની જાહેરાત કરી હતી. આ પ્રસંગે અરશદ વારસી અને અજય દેવગણ હાજર રહ્યા હતાં.
ગંગાજલ 2 અને રાજનીતિ 2
પ્રથમ પોસ્ટર ગંગાજલ 2નું છે. આ ફિલ્મ ગંગાજલની સિક્વલ છે. ગંગાજલમાં અજય દેવગણ લીડ રોલમાં હતાં, પરંતુ ગંગાજલ 2માં કોઈ અભિનેત્રી લીડ રોલમાં હશે. તેવી જ રીતે રાજનીતિ 2 પણ રાજનીતિની સિક્વલ છે. રાજનીતિ 2માં કૅટરીના કૈફ મુખ્ય ભૂમિકામાં હશે.
ક્રૅઝી કુક્કડ ફૅમિલી
આ છે ક્રૅઝી કુક્કડ ફૅમિલી ફિલ્મનો ફર્સ્ટ લુક. ફિલ્મના બે પોસ્ટર રિલીઝ કરાયા છે. ફિલ્મનું દિગ્દર્શન રીતેશ મેનન કરશે, જ્યારે સ્વાનંદ કિરકિરે, શિલ્પા શુક્લા અને નિનાદ કામત મુખ્ય ભૂમિકામાં હશે.
ફ્રૉડ સૈયાં
ફ્રૉડ સૈયાં ફિલ્મના પણ બે પોસ્ટર રિલીઝ કરાયા છે. એકમાં અરશદ વારસી અને સૌરભ શુક્લા દેખાય છે. ફિલ્મનું દિગ્દર્શન સૌરભ શ્રીવાસ્તવ કરવાના છે.
લિપસ્ટિકવાલે સપને
પ્રકાશ ઝાની વધુ એક ફિલ્મ લિપસ્ટિકવાલે સપનેના પણ બે પોસ્ટર્સ રિલીઝ થયા છે. અલંકૃત શ્રીવાસ્તવ દિગ્દર્શિત લિપસ્ટિકવાલે સપનેમાં કોંકણા સેન શર્મા, રત્ના પાઠક અને આહના કુમરાહ લીડ રોલમાં હશે.
Must See
Hot Hot : ઝિદે ચઢી પ્રિયંકાની બહેન બાર્બી, આ છે 10 Vulgar Scenes