OMG: સોનુ નિગમે કરાવ્યો ટકો-મુંડો, કારણ એક ટ્વીટ
સોનુ નિગમે અઝાન પર કરેલા ટ્વીટ અંગે વિવાદ વધતાં આ અંગે એક મૌલવીની ચેતવણી માનતા તેણે મુંડન કરાવી લીધું છે.
સોનુ નિગમ અને તેણે અઝાન પર કરેલી ટ્વીટ અંગેની કોન્ટ્રોવર્સિ શાંત થવાનું નામ નથી લેતી. સોનુ નિગમે સોમવારે અઝાન અંગે ટ્વીટ કરતાં લખ્યું હતું કે, ભારતમાં જબરજસ્તી ધર્મનું પાલન કરાવવાની રીતો બંધ થવી જોઇએ. તેનો ઇશારો અઝાનમાં વપારાતા લાઉડસ્પીકર તરફ હતો. સાથે જ તેણે પોતાના ટ્વીટમાં કિર્તન અને ગુરુદ્વારાનો પણ ઉલ્લેખ કર્યો હતો.
તેના આ ટ્વીટ બાદ સોશિયલ મીડિયામાં સોનુ નિગમનો ઘણો વિરોધ થયો હતો. બીજી બાજુ, એક મૌલવીએ સોનુ નિગમ વિરુદ્ધ ફતવો બહાર પાડતાં કહ્યું હતું કે, જે સોનુના વાળ કાપી તેનું મુંડન કરશે, તેને 10 લાખ રૂપિયાનું ઇનામ આપવામાં આવશે. સોનુ નિગમે આ વાતનો અમલ કરતાં પોતાના મિત્ર અને જાણીતા હેર સ્ટાયલિસ્ટ આલિમ હાકિમને પોતાના ઘરે બોલાવી મુંડન કરાવી લીધું છે.
અહીં વાંચો - સોનુ નિગમે આપ્યું સ્પષ્ટીકરણ, હું મુસ્લિમ વિરોધી નથી..
ઉલ્લેખનીય છે કે, તેના અઝાન અંગેના ટ્વીટ પર વિવાદ વધતાં સોનુએ બુધવારે પ્રેસ કોન્ફરન્સ બોલાવી પોતાની વાત સ્પષ્ટ કરવાનો પ્રયત્ન કર્યો હતો. પ્રેસ કોન્ફરન્સમાં તેણે કહ્યું હતું કે, હું કોઇની ભાવનાઓને ઠેસ પહોંચાડવા નહોતો માંગતો અને જો કોઇને લાગતું હોય કે મારા ટ્વીટ મુસ્લિમ વિરોધી છે તો હું માફી માંગવા તૈયાર છું. ત્યાર બાદ તેણે મૌલવીની વાત માનતાં મુંડન કરાવ્યું હતું. સોનુ નિગમે પ્રેસ કોન્ફરન્સમાં એમ પણ કહ્યું હતું કે, હું મારા ટ્વીટથી માત્ર એટલું કહેવા માંગતો હતો કે ધર્મ કોઇ ફોર્સફુલી થોપવાની વસ્તુ નથી.