REALLY: સની લિયોનીને મળ્યો અક્ષય અને રણબીરનો સાથ!
બોલીવુડ: કેટલીક ફિલ્મોની સાથે સની લિયોની ધીરે ધીરે હવે બોલીવુડમાં પગ જમાવી રહી છે. આ વર્ષે સની લિયોનીની બે ફિલ્મો 'એક પહેલી લીલા" અને "કુછ કુછ લોચા હૈ" રિલીઝ થઈ ચૂકી છે. અને હવે જલ્દી જ સની ત્રીજી ફિલ્મમાં પણ દેખાશે. જી હા, સનીની ત્રીજી ફિલ્મ હશે અક્ષય કુમાર સાથે....
"સિંઘ ઈઝ બ્લીંગ"માં સની કેમિયો કરતી નજરે પડશે. એટલુ જ નહીં જો ખબરોનું માનીએ તો કરન જોહરે પણ "યે દિલ હૈ મુશ્કીલ" માટે સનીને સાઈન કરી છે. એટલે કે અક્ષય કુમાર બાદ હવે સની રણબીર કપૂર સાથે પણ જોવા મળશે. તો આ વાતને લઈને સની ઘણી જ ઉત્સાહીત પણ છે.
આવો જોઈએ સની લિયોનીની આગામી ફિલ્મો....
મસ્તીઝાદે
સની લિયોનીની વીરદાસ અને તુષાર કપૂર સાથેની મસ્તીઝાદે આ વર્ષે જ રિલીઝ થશે. હાલમાં ફિલ્મ સેન્સરમાં અટકી છે. ફિલ્મનું નિર્દેશન મિલાપ ઝવેરી કરી રહ્યાં છે.
વન નાઈટ સ્ટેન્ડ
સની લિયોની અને તનુજ વિરમાનીની આ ફિલ્મ વર્ષ 2016ની શરૂઆતના મહિનાઓમાં રિલીઝ થઈ જશે. જો કે હજી ફાઈનલ ડેટની ઘોષણા નથી કરવામાં આવી. ફિલ્મનું નિર્દેશન જાસ્મીન ડિસોઝા કરી રહ્યાં છે. આ એક એરોટીક થ્રીલર ફિલ્મ છે.
બેઈમાન લવ
સની લિયોન અને રજનીશ દુગ્ગલની આ ફિલ્મ વર્ષ 2015ના અંત સુધીમાં રિલીઝ થવાની સંભાવના છે. આ એક રોમેન્ટીક ફિલ્મ છે. જેનું નિર્દેશન રાજીવ ચૌધરી કરી રહ્યાં છે.
ટીના ઔર લોલો
સની લીયોન અને કરીશ્મા તન્નાની આ એક્શન થ્રીલર ફિલ્મ છે. ફિલ્મનું નિર્દેશન દેવાંગ ઢોલકીયા કરશે. ફિલ્મની રિલીઝ ડેટ ફાઈનલ નથી. પરંતુ એવી આશા છે કે આ ફિલ્મ પણ આ વર્ષના અંત સુધીમાં રિલીઝ થઈ જશે.
સિંઘ ઈઝ બ્લીંગ
પ્રભુદેવા નિર્દેશિત સિંઘ ઈઝ બ્લીંગમાં સની કેમિયો કરતી નજરે પડશે. આ પહેલી વખત હશે કે જ્યારે સની કોઈ "એ" લીસ્ટના સ્ટાર સાથે સ્ક્રીન શેર કરશે. ફિલ્મમાં અક્ષય કુમાર, એમી જેક્શન, અને લારા દત્તા મુખ્ય ભૂમિકામાં છે.
યે દિલ હૈ મુશ્કિલ
કરન જોહરે પણ સનીને યે દિલ હૈ મુશ્કિલ માટે સાઈન કરી છે. ફિલ્મમાં સની કેમિયોના રોલમાં છે. મહત્વપૂર્ણ છે કે ફિલ્મમાં રણબીર કપૂર, અનુષ્કા શર્મા, અને અશ્વર્યા રાય બચ્ચન લીડ રોલમાં છે.