વડા પ્રધાન નરેન્દ્ર મોદીના સ્વાગત માટે SMCએ ૪ થી ૫ કરોડ ખર્ચ્યા!
સુરત મહાનગર પાલિકાએ મોદીના સ્વાગતમાં કર્યો મોટો ખર્ચો આ જ રૂપિયા જનહિતના કાર્યોમાં ખર્ચાઇ શક્યા હોત?
વડા પ્રધાન નરેન્દ્ર મોદીના ગુજરાતના બે દિવસીય પ્રવાસે આવી રહ્યા છે. અને સુરતમાં વડાપ્રધાન નરેન્દ્ર મોદીના બે કાર્યક્રમો છે. જેને લઇ સુરતમાં તડામાર તૈયારી ચાલી રહી છે. સુરતને દુલ્હનની જેમ સજાવા માટે સુરત મહાનગર પાલિકા દ્વારા ૪ થી ૫ કરોડ જેટલો ખર્ચ થયો છે! સુરતમાં નરેન્દ્ર મોદી ૧૧ કિમી રેલી કાઢવાના છે. ઓપન જીપમાં નરેન્દ્ર મોદી બેસી આ રેલી કાઢશે. રેલીના રૂટ પર રોડ અને સર્કલનું રીપેરીંગ કામ કરવામાં આવ્યું છે. ડિવાઈડરને કલર સહિત રોડની આજુબાજુ વ્યવસ્થા કરી છે. વળી, સરકારી મિલકતો પર રોશની કરવામાં આવી રહી છે.
નોંધનીય છે કે આજ પહેલા પણ જ્યારે જ્યારે વડાપ્રધાન ગુજરાત આવ્યા છે. તેમની માટે કરીને જે તે સ્થળો આગળ મોટા ખર્ચા કરવામાં આવ્યા છે. ત્યારે લોકોના પૈસા આટલો તામજામ બતાવવો કેટલો યોગ્ય છે તે પણ એક સવાલ છે. 4 થી 5 કરોડ રૂપિયા જે વડા પ્રધાન નરેન્દ્ર મોદીના સ્વાગત માટે SMCએ ખર્ચ્યા છે તેનો ઉપયોગ લોકોના હિત માટે કામો પણ થઇ શક્યો હોત!