CM રૂપાણીએ ફસાયેલા અમદાવાદીઓની લીધી મુલાકાત

Posted By:
Subscribe to Oneindia News

અમદાવાદમાં ભારે વરસાદ બાદ શહેરાના લગભગ 60 જેટલા સ્થળો પાણીમાં ગરકાવ થઇ ગયા હતા. અનેક જગ્યાએ બોટ દ્વારા લોકોને બચાવવામાં આવ્યા હતા. ત્યારે અમદાવાદના પાણીમાં ગરકાવ થયેલા સ્થળોની મુખ્યમંત્રી વિજયરૂપાણીએ આજે બોટ દ્વારા મુલાકાત લીધી હતી. અને સાથે જ તેમણે અધિકારીઓ અને અમદાવાદના મેયર સાથે સ્થિતિની જાણકારી મેળવી હતી. સીએમ રૂપાણીએ નિકોલ અને મુઠીયા ગામની મુલાકાત લઇને લોકો જોડે વાતચીત પણ કરી હતી.

rupani

ઉલ્લેખનીય છે કે બનાસકાંઠા બાદ અમદાવાદ અને ગાંધીનગર બન્નેની સ્થિતિ વરસાદના કારણે બગડી છે. અમદાવાદમાં જ્યાં હાલ 7 ઇંચથી વધુ વરસાદ 12 કલાકમાં પડ્યો છે ત્યાં જ ગાંધીનગરમાં પણ 7 થી 8 ઇંચ વરસાદ વિવિધ વિસ્તારોમાં પડતા નીચાણવાળા વિસ્તારો પાણીમાં ગરકાવ થઇ ગયા છે. વધુમાં અમદાવાદના મેયર ગૌતમ લોકોને જરૂર ના હોય તો ઘરની બહાર ન જવાની અપીલ કરી છે. ઉલ્લેખનીય છે કે આવનારા 48 કલાકમાં પણ હવામાન ખાતાએ ભારે વરસાદની આગાહી કરી છે. અને શહેરના શાળા-કોલેજો પણ ગત બે દિવસથી બંધ જ રાખવામાં આવ્યા છે.

English summary
CM Vijay Rupani visited water logged area in Ahmedabad. Read here more details on it.
Please Wait while comments are loading...