ગુજરાત રાજ્યસભાની ચૂંટણીમાં અહમદ પટેલે મેળવી જીત
ગુજરાત રાજ્યસભાની ચૂંટણીમાં અહમદ પટેલે મેળવી જીત. કોંગ્રેસના નેતા 44 મતો સાથે જીત મેળવતા કોંગ્રેસમાં છવાઇ ખુશી. વધુ વાંચો અહીં.
ગુજરાત રાજ્યસભાની ચૂંટણીના પરિણામો આખરે જાહેર થયા છે. જે મુજબ કોંગ્રેસના વરિષ્ઠ નેતા અને સોનિયા ગાંધીના રાજકીય સલાહકાર અહમદ પટેલની આ ચૂંટણીમાં જીત થઇ છે. અહમદ પટેલને રાજ્યસભાની ચૂંટણીમાં 44 વોટ મળ્યા છે. ભારે મુશ્કેલી બાદ કોંગ્રેસને જીતનો સ્વાદ ચાખવા મળતા કોંગ્રેસી નેતાઓએ મધરાતે આ જીતને દિવાળીની જેમ ઉજવી હતી. ગાંધીનગર ખાતે કોંગ્રેસી કાર્યકર્તાઓ જ્યાં આ ખુશી ઉજવી હતી.
Gandhinagar: Congress workers celebrate after #AhmedPatel's victory in #GujaratRSPolls pic.twitter.com/TQgM2S5Vhu
— ANI (@ANI) August 8, 2017
ત્યાં જ અહમદ પટેલ આ અંગે ટ્વિટ કરતા જણાવ્યું હતું કે સત્યનો વિજય થયો છે. અને આ માત્ર એક જીત નથી પણ પૈસા, પાવર અને રાજકીય પાવરનો સૌથી ખરાબ રીતે ઉપયોગ કરતી શક્તિઓની પણ હાર છે. સાથે જ તેમણે આ જીત પછી તમામ ધારાસભ્યોનો પણ આભાર માન્યો છે.
Satyamev Jayate. Not just my victory. Its defeat of most blatant use of money power,muscle power&abuse of state machinery,tweets Ahmed Patel
— ANI (@ANI) August 8, 2017
ઉલ્લેખનીય છે કે અહમદ પટેલની આ જીત બાદ કોંગ્રેસના અન્ય નેતાઓએ પણ તેમને આ જીત માટે શુભેચ્છાઓ પાઠવી છે. મંગળવાર થયેલા ક્રોસ વોટિંગ પછી જ્યાં અહમદ પટેલની જીતની સંભાવનાઓ ઓછી લાગતી હતી. ત્યાં આજે નવા ફેરફાર થતા તેમની 44 મતોથી જીતને અનેક રીતે ભાજપ વિરુદ્ધ તેમની પ્રતિષ્ઠાની મોટી જીત રૂપે જોવામાં આવી રહી છે.