નલિયા કાંડ: વિરોધ હવે PM મોદીની માતાના ઘર સુધી પહોંચ્યો
નલિયા સેક્સ કાંડ મામલે હવે કોંગ્રેસી મહિલાઓએ પીએમ મોદીની માતા હિરા બાના ઘર સામે કર્યું વિરોધ પ્રદર્શન
નલિયા સેક્સકાંડ પછી કોંગ્રેસ તરફથી આ વાતનો ભારે વિરોધ કરવામાં આવી રહ્યો છે. કોંગ્રેસ આ મામલે ઠેર ઠેર રાજ્યભરમાં વિવિધ કાર્યક્રમો કરી રહી છે અને આ અંગે પોતાનો વિરોધ દર્શાવી રહી છે. તેવામાં કોંગ્રેસની મહિલા કાર્યકરોએ રાયસણ પહોંચી વડાપ્રધાન નરેન્દ્ર મોદીની માતાના ઘરની બહાર નલિયા દુષ્કર્મનો વિરોધ કર્યો હતો. નોંધનીય છે કે પીએમ નરેન્દ્ર મોદીની માતા રાયસણમાં વૃંદાવન સોસાયટીમાં તેમના નાના પુત્ર પંકજ મોદી સાથે રહે છે.
ત્યારે કોંગ્રેસી મહિલાઓએ તેમના ઘર પહોંચી નલિયા કાંડ અંગે પોતાનો વિરોધ બતાવ્યો હતો. અને પીએમ દ્વારા આ અંગે ત્વરીત પગલાં લેવાની વાત માંગણી કરી હતી. જો કે તે પછી પોલીસ દ્વારા કોંગ્રેસી મહિલાઓની અટક કરવામાં આવી હતી. નોંધનીય છે નલિયા કાંડ પછી ભાજપે ડેમેઝ કંટ્રોલ માટે અમિત શાહને ગુજરાત પાછા તેડાવી લીધા છે. અમિત શાહ તેમની પુત્રવધુના શ્રીમંતમાં હાજરી આપવા આવશે. ત્યારે આ સંજોગામાં નલિયા દુષ્કર્મ મામલે ભાજપની રાજ્યભરમાં જે થૂ થૂ થઇ છે તેને કેવી રીતે સંભાળવી તે વાત પર જરૂરથી ચર્ચા વિચારણા કરવામાં આવશે તેવું સુત્રો દ્વારા માહિતી મળી છે.