ગુજરાતની પહેલી મહિલા ઇન્ચાર્જ ડીજીપી બની ગીથા જોહરી
ગુજરાતની પહેલી મહિલા ઇન્ચાર્જ ડીજીપી ગીથા જોહરી કોણ છે જાણો અહીં.
ગૃહ પ્રધાન પ્રદીપસિંહ જાડેજાએ આજે સત્તાવાર રીતે ગુજરાતના નવા ઇન્ચાર્જ ડીજીપી તરીકે ગીથા જોહરીના નામ પર મોહર લગાવી છે. આ સાથે જ ગીથા જોહરી ગુજરાતની પહેલી મહિલા ઇન્ચાર્જ ડીજીપી બનશે. નોંધનીય છે કે ગીથા જોહરી 1982ના બેચના આઇ.પી.એસ અધિકારી છે.
સુપ્રીમ કોર્ટ દ્વારા પી.પી.પાન્ડેયને સેવામાંછી મુક્ત કરવાના આદેશ આપ્યા પછી તેમણે બે દિવસ પહેલા જ રાજીનામું આપતા સીનિયોરીટીની રીતે ગીથા જોહરી પર રાજ્ય સરકારે પસંદગી ઉતારી છે. નોંધનીય છે કે તેઓ ગુજરાત કેડરના પ્રથમ મહિલા આઇપીએસ અધિકારી હતા.
જો કે મહત્વની વાત તે પણ છે કે નવેમ્બરમાં ગીથા જોહરી નિવૃત્ત થવાના છે. અને નવેમ્બરમાં ગુજરાત વિધાનસભાની ચૂંટણી પણ આવી રહી છે. ત્યારે તે પહેલા ગીથાની આ નિમણૂકે અનેક સવાલ પણ ઊભા કર્યા છે. ત્યારે જોવાનું તે રહે છે કે ચૂંટણી વખતે ગીથાને જ ઇન્ચાર્જ ડીજીપી રહેવા માટે એક્સટેન્ડ કરવામાં આવે છે કે પછી પ્રમોદકુમાર અને શિવાનંદ ઝા, જે પણ આ દોડમાં હતા તેમને મોકો આપવામાં આવે છે.