યુવતી સાથે દારૂની મજા માણતા યુવકે સિક્યુરીટી ગાર્ડ પર કર્યો હુમલો
રૂપાણી સરકારના રાજમાં ખેડૂતને પોતાના હકનો રોટલો ખાવા માટે પણ મળે છે માર? વિગતવાર વાંચો અહીં
વડોદરા શહેરના કમાટીબાગમાં યુવતી સાથે દારૂની મહેફિલ માણી રહેલા જામનગરના બે યુવાનોને કમાટીબાગ માંથી બહાર કાઢવા ગયેલા સિક્યુરીટી જવાન પર બે પૈકી એક યુવાને તીક્ષણ હથિયારથી હુમલો કર્યો હતો. હુમલો કર્યા બાદ ભાગી રહેલા બે યુવાનો અને યુવતીને સિક્યુરીટી જવાનોએ 4 દારૂની બોટલો સાથે ઝડપી પાડ્યા હતા. તમામને સયાજીગંજ પોલીસને સોંપી દીધા હતા અને ઇજાગ્રસ્ત સિક્યુરીટી ગાર્ડને સયાજી હોસ્પિટલમાં સારવાર અર્થે ખસેડાયો હતો.
મળતી માહિતી મુજબ દિલીપસિંહ મહિપતસિંહ જાડેજા અને કનકસિંહ જેઠવા દમણ ગયા હતા. દમણથી પરત જામનગર જતી વખતે વડોદરા રોકાયા હતા. જોકે રાત્રે વડોદરા આવેલા દિલીપસિંહ જાડેજા અને કનકસિંહ જેઠવા કમાટીબાગમાં ફરવા ગયા હતા. તેઓની સાથે વડોદરાની યુવતી પણ હતી. વડોદરા મહાનગર સેવા સદનના નિયમ પ્રમાણે રાત્રે 11 કલાકે કમાટીબાગ બંધ કરવાનો હોય છે. જેથી કમાટીબાગમાં ફરજ બજાવતા સિક્યુરીટી જવાનો કમાટીબાગમાં કોઇ સહેલાણી ન હોય તેની તપાસમાં નીકળ્યા હતા. દરમિયાન આંબાવાડીમાં બે યુવાનો અને એક યુવતીને બેઠેલા જોતા, સિક્યુરીટી જવાનોએ તેઓને કમાટીબાગ બંધ કરવાનો હોવાથી બહાર જવા માટે જણાવ્યું હતું. સિક્યુરિટી ગાર્ડને ગાર્ડન બંધ કરવાનો હોવાથી જવા માટે કહ્યું હતું બંને પૈકી એક શખ્સ ઉશ્કેરાઈ જતા સિક્યુરીટી ગાર્ડ પર હુમલો કર્યો હતો.