કોલ સેન્ટરથી શરૂ થયેલી દોસ્તી, જંગલમાં બળાત્કાર પર ખત્મ

નવી દિલ્હી, 16 જૂન : પૂર્વ દિલ્હીના કોંડલીમાં રહેનાર યુવતીએ પોતાના મિત્ર પર બળાત્કારનો કેસ નોંધાવ્યો છે. આરોપી શખ્સને પોલીસે પકડી પાડ્યો છે. મામલો ઇસ્ટ દિલ્હીના આનંદ વિહાર પોલીસ સ્ટેશનમાં નોંધાયો છે. 20 વર્ષની યુવતી નોયેડાના એક કોલ સેન્ટરમાં કામ કરે છે.

પીડિત યુવતીએ પોલીસને જણાવ્યું કે લગભગ 6 મહિના પહેલા ઓફિસના ફોનથી આવા જ કોલ કરતા તેની એક યુવક સાથે દોસ્તી થઇ ગઇ હતી. ત્યાર બાદ યુવતીએ યુવકને પોતાના પર્સનલ મોબાઇલ નંબર પણ આપી દીધો. દોસ્તી ડેટિંગમાં બદલાઇ ગઇ. 25 વર્ષના આરોપી અમિત સીમાપૂરીમાં રહે છે. યુવતીએ જણાવ્યું કે 10 જૂનના રોજ અમિતે તેને આનંદ વિહારના ક્રેસ રિવર મોલમાં બોલાવી હતી.

ત્યાં તેઓ બંને થોડીવાર માટે ફર્યા. ત્યારબાદ તે યુવક તેને છેતરીને ગુડગાવ લઇ ગયો. યુવક પર આરોપ છે કે તે તેને ત્યાં જંગલોમાં લઇ જઇને તેની પર બળાત્કાર કર્યો. ત્યારબાદ તે તેને આનંદવિહાર પાછો મૂકી ગયો. બાદમાં યુવતીએ પોલીસમાં યુવક સામે ફરિયાદ નોંધાવી દીધી. મેડિકલ તપાસમાં બળાત્કારની ખરાઇ કરવામાં આવી છે. આરોપમાં અમિતની ધરપકડ કરી લેવામાં આવી છે અને તેની સામે વધુ તપાસ હાથ ધરવામાં આવી છે.

English summary

A love become rape from call center to forest in new Delhi.