સ્ટંટ કરી રહેલા બાઇકર્સ પર પોલીસનું ફાયરિંગ, એકનું મોત
નવી દિલ્હી, 28 જુલાઇ: દેશના દરેક શહેરમાં રસ્તાઓ પર બાઇકર્સનો આતંક જોવા મળે છે. પરંતુ ગઇકાલે રાત્રે દિલ્હીના રસ્તાઓ પર કંઇક એવી ઘટના ઘટી કે જેના પગલે કોઇ પણ બાઇકર 40થી વધારે સ્પિડમાં બાઇક ચલાવશે નહીં અને સ્ટંટ પણ કરી નહીં કરે. દિલ્હી પોલીસે સ્ટંટ કરી રહેલા બાઇકર્સ પર ફાઇરિંગ કર્યું હતું. પોલીસ દ્વારા કરવામાં આવેલી ફાયરિંગમાં એક યુવકનું મોત થઇ ગયું છે.
આ ઘટના દિલ્હીના પટેલ ચોકની છે, જ્યાં સ્ટંટ કરી રહેલા બાઇકર્સ પર ફાઇરિંગ કરવામાં આવ્યું, બે બાઇકર્સ સ્ટંટ કરી રહ્યા હતા, દરમિયાન પોલીસે તેમને રોકવાનો પ્રયત્ન કર્યો. જોકે બાઇકર્સ પોલીસનો ઓર્ડર નહીં માનતા ઉલટાનું તેમણે પોલીસ પર પત્થરમારો કરી દીધો અને ભાગવાની કોશીશ કરી. જોકે પોલીસે અશોક રોડની પાસે તેમને ઘેરીને ફાયરિંગ કરી દીધું.
જોકે પોલીસે પોતાના બચાવમાં એવી દલિલ કરી છે કે ગોળી બાઇકના ટાયર પર ચલાવવામાં આવી હતી. પોલીસે જણાવ્યું કે ઘાયલ યુવકના મેડિકલ રિપોર્ટમાં જાણવા મળ્યું છે કે તેણે દારુ પીધો હતો.