For Quick Alerts
ALLOW NOTIFICATIONS  
For Daily Alerts
Oneindia App Download

ભાજપ 'કિરણ'ના નેતૃત્વમાં સાફ કરશે દિલ્હી વિધાનસભાનો રસ્તો

By Super Admin
|
Google Oneindia Gujarati News

નવી દિલ્હી, 20 જાન્યુઆરી: જેમ જેમ દિલ્હી વિધાનસભાની ચૂંટણીની તારીખો નજીક આવતી જાય છે તેમ તેમ ચૂંટણીનું ધુમ્મસ સાફ થતું જઇ રહ્યું છે. ભારતીય જનતા પાર્ટીએ આજે પોતાની સંસદીય બેઠકમાં દિલ્હી વિધાનસભાની ચૂંટણી કોના નેતૃત્વમાં લડશે તે નક્કી કરી લીધું.

ભાજપે આજે એ ચિત્ર સ્પષ્ટ કરી દીધું હતું કે તે દિલ્હીની ચૂંટણી પક્ષમાં હાલમાં જોડાયેલા કિરણ બેદીના નેતૃત્વમાં લડશે. આ ઉપરાંત ભાજપે તેમને મુખ્યમંત્રી તરીકે પણ પ્રોજેક્ટ કર્યા છે. કિરણ બેદી ભાજપની પરંપરાગત બેઠક કૃષ્ણ નગરથી ધારાસભ્યની ચૂંટણી લડશે.

kiran bedi
ભારતીય જનતા પાર્ટીના રાષ્ટ્રીય અધ્યક્ષ અમિત શાહે આ અંગેની જાહેરાત કરતા મીડિયાને જણાવ્યું કે 'ભારતીય જનતા પાર્ટીની સંસદીય સમિતિની બેઠકમાં આ અંગેનો સર્વસંમિતિથી નિર્ણય લેવાયો છે કે દિલ્હી વિધાનસભાની ચૂંટણી કિરણ બેદીના નેતૃત્વમાં લડવામાં આવે અને મુખ્યમંત્રી તરીકે પણ તેમને જ પ્રોજેક્ટ કરવામાં આવે.' શાહે આ સાથે એવી પણ સ્પષ્ટતા કરી દીધી હતી કે આ નિર્ણય અંગે પાર્ટીમાં કોઇ વાદ-વિખવાદ નથી.

શાહે કિરણ બેદીના નેતૃત્વમાં ચૂંટણી લડવાનું કારણ દર્શાવતા જણાવ્યું કે 'તેઓ દેશના પ્રથમ મહિલા આઇપીએસ અધિકારી બન્યા, અને દિલ્હીની સેવા કરી. બાદમાં તેમણે સેવા ક્ષેત્રે ઝંપલાવ્યું. કાયદા અને ગુનાહિત બાબતોમાં તેમની સારી એવી કામગીરી રહી છે. તેઓ ડોક્ટરેટ પણ છે અને તેમની પાસે લૉની પણ ડિગ્રી છે. તેઓ દિલ્હીને સારી રીતે જાણે છે અને દિલ્હીના લોકો પણ તેમને મુખ્યમંત્રી તરીકે ચોક્કસ પસંદ કરશે.'

ખુદને ભાજપ તરફથી દિલ્હીના મુખ્યમંત્રી તરીકે પ્રોજેક્ટ કરાતા કિરણ બેદીએ જણાવ્યું કે 'મેં તો આપને પહેલા જ કહ્યું હતું કે હું દિલ્હીની સેવા માટે ભાજપમાં જોડાઇ હતી, કોઇ પણ બેઠક પરથી ચૂંટણી લડવા તૈયાર હતી. આ તો તેમની સ્ટ્રેટેજી છે કે મને દિલ્હીમાં મુખ્યમંત્રી તરીકે પ્રોજેક્ટ કરી. હું તો ગમે ત્યાંથી ચૂંટણી લડી શકું છું. આખી દિલ્હી મારી છે.'

{promotion-urls}

English summary
Delhi assembly election 2015: BJP declares Kiran Bedi as party's CM candidate.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X