ઉત્તરાખંડમાં લહેરાશે કેસરિયો, હરિશ રાવત હારી ગયા

ઉત્તરાખંડમાં ભાજપની થઇ મોટી જીત, તો હરીશ રાવત પોતાના જ ક્ષેત્રમાં હારી ગયા. ઉત્તરાખંડ વિધાનસભા ચૂંટણીના પરિણામો અંગે વધુ જાણો અહીં.

ઉત્તરાખંડમાં હાલ વિધાનસભા ચૂંટણીના પરિણામો જાહેર થઇ રહ્યા છે. જે રીતના પરિણામો બપોરે 12 વાગ્યા સુધીમાં જાહેર થયા છે તે બતાવે છે કે આ વખતે ઉત્તરાખંડમાં કમળ ખીલશે અને પંજો પડશે. બપોરે 12 વાગ્યા સુધી ઉત્તરાખંડના જે પરિણામો આવ્યા છે તે મુજબ વિધાનસભાની 70 બેઠકોમાંથી ભાજપના ફાળે 51 બેઠકો ગઇ છે. અને કોંગ્રેસને ખાલી 16 બેઠકો જ મળી છે. જે જોતા આવનારા સમયમાં ઉત્તર પ્રદેશ પછી ઉત્તરાખંડમાં પણ ભાજપની સરકાર બનશે.

કોંગ્રેસની કારમી હાર
જો કે બીજા પક્ષે કોંગ્રેસની વિધાનસભાની ચૂંટણીમાં મોટી હાર થઇ છે. બપોરના 12 વાગ્યાના પરિણામો મુજબ તેને ખાલી 16 જ બેઠકો મળી છે. એટલું જ નહીં ઉત્તરાખંડના મુખ્યમંત્રી હરિશ રાવત પણ મોટા નંબરથી તેમના જ ક્ષેત્રમાં હાર્યા છે. ત્યારે હાલ તો અહીં ભાજપના કાર્યકર્તાઓ પોતાની જીતની ખુશી મનાવી રહ્યા છે. ત્યારે ઉત્તરાખંડ અને ઉત્તર પ્રદેશની જીત જોતા લાગી રહ્યું છે કે ફરી એક વાર મોદીનો વિકાસનો મુદ્દો તેમને જીત અપાવવામાં સફળ ગયો છે. વળી નોટબંધી બાદ ભાજપની આ જીત ધણું કહી જાય છે.

Uttarakhand CM Harish Rawat loses from Haridwar rural seat pic.twitter.com/x6wpj4RSw7

— ANI (@ANI_news) March 11, 2017

English summary

Uttarakhand Assembly election 2017: According to Election Result BJP is leading, and CM Harish Rawat lose his seat.