માત્ર 5 મિનિટમાં કેવી રીતે જાણશો આપનું PF બેલેંસ?
નવી દિલ્હી, 22 નવેમ્બર: દેશનો દરેક કર્મચારી પોતાના પગારનો એક ભાગ પોતાના પ્રોવિડન્ટ ફંડમાં જમા કરાવે છે. આ પીએફ તેની જમા થાપણ હોય છે. પરંતુ આપણામાંથી ઘણા લોકો એ નથી જાણી શકતા કે તેમના પીએફ એકાઉંટમાં કેટલું બેલેન્સ છે.
ઇપીએફઓએ પોતાના 5 કરોડથી વધારે ગ્રાહકો માટે એક સુવિધા લોન્ચ કરી છે. આ સુવિધા હેઠળ હોલ્ડર પોતાના પીએફ એકાઉંટનું બેલેન્સ ઓનલાઇન જોઇ શકે છે. તેના માટે તેમને માત્ર 5 મિનિટ સુધીનો સમય લાગે છે.
આપનો પીએફ નંબર એક આલ્ફા ન્યૂમેરિક નંબર છે અને પહેલા 2 લેટર ક્ષેત્રીય કાર્યાલય માટે છે. ઓનલાઇન ફોર્મમાં પોતાનું નામ, મોબાઇલ નંબર અને પોતાનો પીએફ નંબર નાખવો પડશે. જાણકારી સંપૂર્ણ રીતે સાચી ભર્યા બાદ 5 મિનિટની અંદર આપને એક એસએમએસ મળી જશે. જો આપના પીએફ એકાઉંટ અંગેની જાણકારી પીએફ કાર્યાલયમાં હશે તો આપને બેલેંસની જાણકારી મળશે નહીંતર data not found નો એસએમએસ આવશે. જો આ સંદેશ આવશે તો આપને આપના એમ્પલોયરનો સંપર્ક કરવો પડશે અથવા આપનો ડેટા અપડેટ થવા સુધી રાહ જોવી પડશે.