Video:ગાયો લઇ જઇ રહેલાં લોકોને ગૌરક્ષકોએ માર્યો ઢોર માર

સોશિયલ મીડિયા પર પોસ્ટ કરવામાં આવેલા એક વીડિયોમાં કથિત ગૌરક્ષકો ગાયો લઇ જઇ રહેલાં લોકોને ઢોર માર મારતાં નજરે પડે છે.

પોતાને ગૌરક્ષા સમૂહના સભ્યો ગણાવતાં કેટલાક લોકોએ બે દિવસ પહેલાં ગાયો લઇ જઇ રહેલાં કેટલાક લોકો પર હુમલો કર્યો હતો. ગૌરક્ષકોએ આ લોકોની ખૂબ પિટાઇ કરી હતી, જેમાંથી એક વ્યક્તિનું મંગળવારના રોજ ઇલાજ દરમિયાન મૃત્યુ થયું હતું. આ ઘટના શનિવારની છે. હરિયાણા માં રહેતાં 15 લોકો 6 ગાડીઓમાં ગાયોને લઇ જઇ રહ્યાં હતા. આ દરમિયાન રાજસ્થાન ના અલવર જિલ્લાના બહરોડ પાસે તેમની પર હુમલો કરવામાં આવ્યો હતો.

આ મારપીટમાં 50 વર્ષીય પહલૂ ખાનને ગંભીર ઇજા થઇ હતી, મંગળવારે હોસ્પિટલમાં ઇલાજ દરમિયાન તેમનું મૃત્યુ થયું હતું. આ મામલે હજુ સુધી કોઇ વ્યક્તિની ધરપકડ કરવામાં નથી આવી. જો કે, પોલીસે અજ્ઞાત હુમલાખોરો વિરુદ્ધ કેસ નોંધી આગળની તપાસ હાથ ધરી છે.

પોલીસ અનુસાર, આ હુમલો સ્થાનિક રહેવાસીઓ દ્વારા જ કરવામાં આવ્યો હતો. વીડિયો ફુટેજના આધારે તેમની ઓળખાણ કરવામાં આવી રહી છે. સોશિયલ મીડિયા પર પોસ્ટ કરવામાં આવેલા આ વીડિયોમાં કથિત ગૌરક્ષકો ગાયો લઇ જઇ રહેલાં લોકોને ઢોર માર મારતાં નજરે પડે છે.

આ ઘટનાનો વીડિયો જુઓ અહીં..

#WATCH: 5 men beaten up & their vehicle vandalised by cow vigilantes in Rajasthan's Alwar; later 1 man succumbed to injuries (01.04.2017) pic.twitter.com/almfW9W954

— ANI (@ANI_news) April 5, 2017

English summary

In a video that is being widely circulated, a mob assaults men who were transporting cows in Alwar, Rajasthan.