પીએમ મોદીની ક્રિસમસ ગિફ્ટ, ડિજિટલ પેમેંટ કરો, 1 કરોડ જીતો
14 એપ્રિલ, 2017 ના રોજ આ યોજનાનો મેગા ડ્રો કરવામાં આવશે. જેમાં ભાગ્યશાળી વિજેતાને એક કરોડનું ઇનામ આપવામાં આવશે...
ક્રિસમસના દિવસે પીએમ નરેન્દ્ર મોદી સરકાર ડિજિટલ પેમેંટને પ્રોત્સાહિત કરવા માટે બે લકી ડ્રો યોજનાની શરુઆત કરી રહી છે. આ યોજના અંતર્ગત આગામી 100 દિવસ સુધી ડિજિટલ પેમેંટ યુઝ કરનાર ગ્રાહક અને દુકાનદારોને ઇનામ આપવામાં આવશે. લકી ગ્રાહક યોજના અને ડિજિધન વેપાર યોજનાને હાલમાં 100 શહેરોમાં શરુ કરવામાં આવી રહી છે. આ સ્કીમ હેઠળ રોજ 15,000 ગ્રાહકોને ઇનામ મળશે. સાપ્તાહિક ધોરણે વિજેતાઓની પસંદગી કરવામાં આવશે. 14 એપ્રિલે સ્કીમનો મેગા ડ્રો કરવામાં આવશે જેમાં પહેલા વિજેતાને એક કરોડ રુપિયાનું ઇનામ આપવામાં આવશે.
સામાન્ય
જનતા
માટે
લકી
ગ્રાહક
યોજના
રાજધાની દિલ્હીમાં નાણામંત્રી અરુણ જેટલી અને કેન્દ્રીય મંત્રી રવિશંકર પ્રસાદે આ યોજનાઓની શરુઆત કરતી વખતે પહેલા લકી ડ્રો કરશે. નીતિ આયોગે આ વિશે જણાવ્યુ છે કે લકી ગ્રાહક યોજના હેઠળ રોજ 15,000 ગ્રાહકોને 1000 રુપિયા કેશબેક આપવામાં આવશે. આ યોજનામાં સાપ્તાહિક ધોરણે પણ વિજેતાઓની પસંદગી કરવામાં આવશે જેમાં વિજેતાઓને 1 લાખ રુપિયા, 10,000 રુપિયા અને 5000 રુપિયાના ઇનામ આપવામાં આવશે. ડિજિધન વેપાર યોજનાઓના વિજેતાઓની પસંદગી સાપ્તાહિક ધોરણે થશે. 14 એપ્રિલ, 2017 ના રોજ આ યોજનાનો મેગા ડ્રો કરવામાં આવશે જેમાં ભાગ્યશાળી વિજેતાઓને 1 કરોડ રુપિયા, 50 લાખ રુપિયા અને 25 લાખ રુપિયા મળશે.
વેપારીઓ માટે ડિજિધન વેપાર સ્કીમ
વેપારીઓ માટે ડિજિધન વેપાર સ્કીમ છે જેના માટે વિજેતાઓની પસંદગી દર અઠવાડિયે કરવામાં આવશે. આમાં દર અઠવાડિયે 7000 વેપારીઓને ઇનામ મળશે. આમાં ઇનામની મહત્તમ રકમ 50,000 રુપિયા રાખવામાં આવી છે. આ ઉપરાંત 14 એપ્રિલના રોજ વેપારીઓ માટે પણ મેગા ડ્રો કરવામાં આવશે જેમાં ભાગ્યશાળી વિજેતાઓને 50 લાખ રુપિયા, 25 લાખ રુપિયા અને 5 લાખ રુપિયાનું ઇનામ આપવામાં આવશે. આ બંને સ્કીમો પર સરકાર 340 કરોડ રુપિયા ખર્ચ કરી રહી છે. આ સ્કીમોના લકી ડ્રોમાં 8 નવેમ્બરથી 13 એપ્રિલ વચ્ચે કરાયેલા ડિજિટલ ટ્રાંઝેક્શન સામેલ કરવામાં આવશે.
યોજનાઓની શરતો
100 શહેરોમાં 100 દિવસ સુધી ચાલનારી આ બંને યોજનાઓની શરતો મુજબ તે જ ગ્રાહકોને લકી ડ્રોમાં સામેલ કરવામાં આવશે જે યુપીઆઇ, યુએસએસડી આધાર નંબર પર આધારિત પેમેંટ સિસ્ટમનો ઉપયોગ કરશે અથવા રુપે કાર્ડ આધારથી ડિજિટલ ટ્રાંઝેક્શન કરશે. કેશલેસ સોસાયટી બનવાના લક્ષ્યને ધ્યાનમાં રાખીને સરકાર 100 દિવસો બાદ ડિજિટલ પેમેંટની આ બંને ઉમદા સ્કીમોની સમીક્ષા કરશે. ત્યારબાદ નક્કી કરવામાં આવશે કે આ સ્કીમને વધુ આગળ વધારવામાં આવશે કે નહિ.