500 કરોડના ગોટાળામાં SRK-નવાઝુદ્દીનની થઇ શકે છે પૂછપરછ

Written By:
Subscribe to Oneindia News

ઉત્તર પ્રદેશના ગાઝિયાબાદ સ્થિત વેબવર્ક ટ્રેડ લિંક્સ દ્વારા રોકાણકારો સાથે લાખો રૂપિયાની છેતરપિંડી કરવામાં આવી હતી. આ મામલે કથિત રૂ. 500 કરોડના કેશ-ફોર-ક્લિક ગોટાળાની તપાસ શરૂ થઇ છે. સીબીઆઇ દ્વારા મામલાની તપાસ કરવામાં આવી રહી છે. આ કેસમાં બોલિવૂડ અભિનેતા શાહરૂખ ખાન અને નવાઝુદ્દીન સિદ્દીકીનું નામ પણ સામે આવ્યું છે.

SRK navazuddin siddiqui

આ કેસમાં નોંધાયેલી ફરિયાદમાં જે લોકોના નામ સામે આવ્યા છે, એમાં શાહરૂખ ખાન અને નવાઝુદ્દીન સિદ્દીકીનું નામનો પણ સમાવેશ થાય છે. ફરિયાદમાં વેબવર્ક ટ્રેડ લિંકના પોર્ટલ એડ્સબુક.કોમના પ્રચારમાં આ બંન્ને અભિનેતાનું નામ છે. આથી પોલીસ આ બંન્નેની પૂછપરછ કરે એવી શક્યતા છે. શાહરૂખ અને નવાઝુદ્દીને આ પોર્ટલના પ્રચારનું કામ કર્યું હતું, આથી ફરિયાદમાં તેમનું નામ સામે આવ્યું છે.

પોલીસ અનુસાર આ કંપનીએ લગભગ 20 લાખ લોકો પાસેથી રૂ. 500 કરોડ ભેગા કર્યા હતા. અલાહાબાદ હાઇકોર્ટના આદેશ બાદ હવે આ કેસ સીબીઆઇને સોંપવામાં આવ્યો છે. પહેલા રાજ્યની પોલીસ દ્વારા આઇટી એક્ટ હેઠળ આ કંપનીના માલિક સામે ફરિયાદ નોંધવામાં આવી હતી. હવે મામલે સીબીઆઇના હાથમાં જતાં એફઆઇઆર ફરીથી રજિસ્ટર કરવામાં આવી છે. આ કારણે કેસને બિલકુલ નવો જ વળાંક મળવાની શક્યતા છે.

English summary
Nawazuddin Siddiqui and Shah Rukh Khan likely to face legal trouble.
Please Wait while comments are loading...