આયકર વિભાગે દરોડો પાડી, 4 કરોડની નવી નોટ ઝડપી
કાળા નાણાં પર તરાપ મારવાનો મોદીનો પ્રયાસ કેટલો કારગર રહેશે તે તો આવનારો સમય જ કહેશે પણ બેંગલુરુમાં આજે આયકર વિભાગે દરોડો પાડી નવી નોટો સાથે 4 કરોડ રૂપિયા જપ્ત કર્યા છે.
જે દિવસથી નોટબંધી થઇ છે તે દિવસથી જ પોલિસ અને આયકર વિભાગને એલર્ટ કરવામાં આવ્યું છે. અને અનેક જગ્યાએ બાતમીના આધારે મોટા મોટા દરોડા પાડવામાં આવી રહ્યા છે. તેવામાં બેંગલુરુમાં ચલાવવામાં આવેલા સર્ચ ઓપરેશન પછી આયકર વિભાગની ટીમે 4 કરોડ રૂપિયા ઝડપી પાડ્યા છે. જેમાંથી મોટા ભાગના નવી નોટો છે.
આયકર વિભાગની ટીમે બેંગલુરુમાં બે જગ્યાએ છાપેમારી કરી છે. આ કાર્યવાહીમાં ચાર કરોડની રોકડ રકમ મળી છે. જેમાંથી મોટા ભાગની નવી નોટ છે. માનવામાં આવી રહ્યું છે કે આ દરોડો બે અધિકારીઓને ઘરમાં કરવામાં આવ્યો છે. ત્યારે હાલ આયકર વિભાગ તે વાતની તપાસ કરી રહ્યું છે કે આ લોકો પાસે આટલી મોટી સંખ્યામાં બેનામી સંપત્તિ આવી ક્યાંથી?
હાલ પ્રાપ્ત માહિતી મુજબ આ લોકો કર્ણાટકના મુખ્યમંત્રી સાથે પણ નજીકનો સંબંધ ધરાવતા હતા. નોંધનીય છે કે નોટબંધી બાદ આયકર વિભાગ અનેક જગ્યાએ આ રીતે દરોડા પાડી કાર્યવાહી કરી રહ્યું છે.