રાષ્ટ્રપતિ ચૂંટણી: રામનાથ કોવિંદ છે બંમ્પર વોટોથી આગળ
આજે ભારતને મળશે તેના 14માં રાષ્ટ્રપતિ. 11 વાગ્યાથી શરૂ થશે રાષ્ટ્રપતિ પદની ચૂંટણીનું મતદાન. રામનાથ કોવિંદ કે મીરા કુમારમાંથી આજે કોઇ એક બનશે રાષ્ટ્રપતિ
ભારત દેશને આજે તેનો 14મો રાષ્ટ્રપતિ મળશે. આજે રાષ્ટ્રપતિ પદની ચૂંટણી માટે થયેલા મતદાનનું પરિણામ જાહેર કરવામાં આવશે. અત્યાર સુધીના મત ગણતરી મુજબ એનડીએના ઉમેદવાર રામનાથ કોવિંદ બમ્પર વોટોથી આગળ છે. કોવિંદને 7,02,644 વોટ હજી સુધી મળ્યા છે. અને મીરાને 3,67,314. જો કે સાંજે પાંચ વાગ્યા સુધી ચૂંટણીના પરિણામો જાહેર થઇ જશે. પણ રામનાથ કોવિંદની ઉપરાષ્ટ્રપતિ બનવાની સંભાવનાઓ ખૂબ જ પ્રબળ છે તે વાતમાં કોઇ બે મત નથી. ઉલ્લેખનીય છે કે 17 જુલાઇના રોજ મતદાન કરવામાં આવ્યું હતું. અને આજે મતગણતરી બાદ જે પરિણામ આવશે જે દેશની જનતા સમક્ષ રાખવામાં આવશે. આમ ગુરુવારે રાષ્ટ્રીય જનતાંત્રિક ગઠબંધન એટલે કે એનડીએ ઉમેદવાર રામનાથ કોવિંદ અને સંયુક્ત પ્રગતિશીલ ગઠબંધન એટલે કે યુપીએના ઉમેદવાર મીરા કુમારીમાંથી કોઇ એકના નામની રાષ્ટ્રપતિ તરીકે જાહેરાત કરવામાં આવશે.
ઉલ્લેખનીય છે કે આ વખતની રાષ્ટ્રપતિ ચૂંટણીમાં કુલ વોટિંગ 98 થી 99 જેટલું થયું હતું જે અત્યાર સુધીનું સૌથી વધુ વોટિંગ માનવામાં આવે છે. 10 જેટલા રાજ્યોમાં 100 ટકા વોટિંગ કરવામાં આવ્યું હતું. જ્યારે ગુજરાતમાં 99 ટકા મતદાન થયું હતું. આ વખતના મતદાનમાં 714 સાંસદોએ સદનમાં પોતાનો વોટ આપ્યો હતો. ઉલ્લેખનીય છે કે રાષ્ટ્રપતિ ચૂંટણી માટે મતદાન પ્રક્રિયા સવારે 11 વાગ્યાથી શરૂ થશે અને સાંજે 5 વાગ્યા સુધી ચાલશે. આ વખતે બેલેટ પેપર અને વિશેષ પેનની મતદાન કરવામાં આવ્યું હતું. ત્યારે સંભાવનાઓ છે કે એનડીએના ઉમેદવાર રામનાથ કોવિંદને 63 ટકા મત મળશે.