હનીમૂન પર આવેલા વિદેશી યુગલ સાથે સગીર ભિખારીએ કર્યું આ
વિદેશી યુગલે આ અંગે પોલિસને જાણ કરતાં જ આ સીગ ભિખારીની શોધ-ખોળ શરૂ થઇ ગઇ અને એખ કલાકની અંદર જ તેની ધરપકડ કરવામાં આવી.
દેશની રાજધાની દિલ્હીમાં એક સીગર વયના ભિખીરીએ વિદેશી યુગલ સાથે એટલી શરમજનક હરકત કરી છે કે દેશની આબરૂને આંચકો લાગ્યો છે. ભીખ માંગી રહેલા છોકરાએ પૈસા ન મળતાં યુગલનો આઇફોન છીનવી ભાગી ગયો. જો કે, એક કલાકની અંદર જ પોલિસે આ ભિખારીને પકડી પાડ્યો હતો.
પોલિસના જણાવ્યા અનુસાર, ઇસ્ટ દિલ્હી સ્થિત અક્ષરધામ મંદિરમાં ફરવા આવેલ બ્રાઝિલના પિએટ્રો ગુસ્તાવો રૉબિન અને તેમની પત્ની જેરસી મંદરિની બહાર સેલ્ફી ક્લિક કરી રહ્યાં હતા. ત્યારે જ ત્યાં એક નાનો ભિખારી પૈસા માંગવા આવ્યો. પિએટ્રોએ તેને પૈસા આપવાની ના પાડતાં તે ત્યાં જ ચૂપચાપ ઊભો રહ્યો અને તક મળતાં જ આઇફોન છીનવીને ભાગી નીકળ્યો.
અહીં વાંચો - કાનપુર બાદ મુંબઇમાં ટ્રેન દુર્ઘટના, 5 કોચ ખડી પડ્યા
પિએટ્રોએ તરત જ પોલિસને આ અંગે સૂચના આપી. કંટ્રોલ રૂમને સૂચના મળતાં જ આ સગીર વયના ભિખારીની શોધખોળ શરૂ કરવામાં આવી અને એક જ કલાકની અંદર તેની ધરપકડ કરવામાં આવી. તે શશિ ગાર્ડન પાસેના એરિયામાં મળ્યો. પિએટ્રો પોતે એક પત્રકાર છે અને તેમની પત્ની વકીલ છે. લગ્ન બાદ તેઓ ભારત ફરવા આવ્યા હતા.