નવા વર્ષની ભેટ: પેટ્રોલ-ડીઝલમાં 2 રૂપિયાનો ઘટાડો
નવી દિલ્હી, 2 જાન્યુઆરી: કાચા તેલની વૈશ્વિક કિંમત ઘટતાં 55 ડોલર પ્રતિ બેરલથી નીચે જતાં ઓઇલ કંપનીઓએ પેટ્રોલ અને ડીઝલ બંનેની કિંમતમાં પ્રતિ લિટર બે રૂપિયાનો કામ કરી આમ આદમીને નવા વર્ષની ભેટ આપી છે. આ કાપમાં જો કે સ્થાનિક ટેક્સની અસરને સામેલ કરવામાં આવી નથી. સ્થાનીક ટેક્સના પ્રભાવને સામેલ કર્યા બાદ ગુરૂવારથી પેટ્રોલની કિંમત દિલ્હીમાં 61.33 રૂપિયા, મુંબઇમાં 68.86 રૂપિયા, કલકત્તામાં 68.65 રૂપિયા અને ચેન્નઇમાં 63.94 રૂપિયા થઇ ગઇ છે.
આ પ્રકારે પ્રતિ લિટર ડીઝલના નવા ભાવ દિલ્હીમાં 50.51 રૂપિયા, મુંબઇમાં 57.91, કલકત્તામાં 55 રૂપિયા અને ચેન્નઇમાં 53.78 રૂપિયા થઇ ગયા છે. આ પહેલાં 15 ડિસેમ્બરના રોજ પેટ્રોલ અને ડીઝલના ભાવમાં પ્રતિ લીટર બે રૂપિયાનો ઘટાડો કરવામાં આવ્યો હઓત. તે પહેલાં પણ એક ડિસેમ્બરના રોજ ક્રમશ:91 પૈસા અને 84 પૈસાનો ઘટાડો કરવામાં આવ્યો હતો.
સબસિડી વિનાના રાંધણગેસ સિલિંડરનો ભાવ પણ દિલ્હીમાં 43.50 રૂપિયા ઘટાડી દેવામાં આવ્યો છે. 14.2 કિલોગ્રામવાળા સિલેંડરની નવી બજાર કિંમર દિલ્હીમાં 708.50 રૂપિયા, મુંબઇમાં 725.50 રૂપિયા, કલકત્તામાં 746 રૂપિયા અને ચેન્નઇમાં 705 રૂપિયા થઇ ગઇ છે.