બ્રિટેનમાં લાઇફગાર્ડની લાપરવાહી, ડુબ્યું ભારતીય મૂળનું બાળક
સમાચારપત્ર ડેલી મેઇલમાં છપાયેલા અહેવાલ અનુસાર જ્યારે ભારતીય મૂળનું બાળક સૂરજ સ્વિમિંગ પુલના પાણીમાં ફસાયુ હતુ, તે દરમિયાન 31 વર્ષિય લાઇફગાર્ડ કેલી વુડ્સ એક અન્ય વ્યક્તિ સાથે 15 મીનિટ સુધી વાતચીત કરી રહી હતી. કેલી એ જ્યારે બાળક તરફ નજર દોડાવી તો તે ઉંધા મોઢે અંદર હતો. વુડ્સ પર સ્વિમિંગપુલ દરમિયાન દેખરેખમાં ચૂક રહી જવાનો આરોપ લગાવવામાં આવ્યો છે. તેણે જો કે, બાળકનો જીવ બચાવવા માટે સ્વિમિંગપુલમાં કૂદકો માર્યો.
પરંતુ તે બાળક પહેલાંથી જ બે મીનિટથી પાણીમાં ડુબેલું હતું. તેનો જીવ બચાવવાના ઘણા પ્રયત્નો કરવામાં આવ્યા હોવા છતાં પણ તેનો જીવ બચાવી શકાયો નહોતો. અભિયોજન પઙે અદાલતને કહ્યું કે, તે કામ દરમિયાન એક ગ્રાહક સાથે વાત કરી રહી હતી. મૃત બાળકની માતા લલિત કોર પોતાના પુત્ર અને અન્ય ત્રણ બાળકોને સ્વિમિંગપુલમાં લઇ ગઇ હતી. તે ફેબ્રુઆરીના નિવેદન દરમિયાન રડી પડી.