For Quick Alerts
ALLOW NOTIFICATIONS  
For Daily Alerts
Oneindia App Download

IPL 10: મુંબઇ અને પુનામાંથી કોણ કોને પડશે ભારે?

આ પહેલા મુંબઇ ઇન્ડિયન્સની ટીમ ત્રણ વાર ફાઇનલમાં પહોંચી છે. વર્ષ 2017માં ચોથી વાર આ ટીમ ફાઇનલમાં પહોંચવામાં સફળ રહી છે.

By Shachi
|
Google Oneindia Gujarati News

આજે એટલે કે રવિવારે આઇપીએલની 10મી સિઝનની ફાઇનલ મેચ છે. મુંબઇ ઇન્ડિયન્સ અને રાઇઝિંગ પુણે સુપરજાયન્ટ્સ વચ્ચેની આ મેચ રાત્રે 8 વાગે હૈદ્રાબાદના રાજીવ ગાંધી સ્ટેડિયમમાં રમાવા જઇ રહી છે.

મુંબઇ ઇન્ડિયન્સની ટીમ ત્રીજી વાર વિજેતા બનવા માટે મેદાનમાં ઉતરશે, જ્યારે સ્મિથની પુણેની સેના પણ જીત માટે કટિબદ્ધ રહેશે. આખી સિઝનમાં મુંબઇની ટીમે ખૂબ સુંદર પ્રદર્શન કર્યું છે, કેકેઆરને બહાર કરી આ ટીમે ફાઇનલમાં જગ્યા બનાવી છે. આ કારણે મુંબઇ ઇન્ડિયન્સના આત્મવિશ્વાસમાં પણ વધારો થયો છે. આજે મેદાન પર પણ તેમનું શાનદાર પ્રદર્શન જોવા મળશે એવી આશા છે.

3 વાર મુંબઇને આપી છે હાર

3 વાર મુંબઇને આપી છે હાર

રાઇઝિંગ પુણે સુપરજાયન્ટ્સની ટીમે રાઉન્ડ રોબિનના મુકાબલામાં ત્રણ વાર મુંબઇની ટીમને કારમી હાર આપી છે. સ્મિથની ટીમ ચોથીવાર પણ રોહિતની સેનાને પરાસ્ત કરવાનો પૂરો પ્રયત્ન કરશે.

મુંબઇ ઇન્ડિયન્સની સામે ધોની

મુંબઇ ઇન્ડિયન્સની સામે ધોની

આ પહેલા મુંબઇ ઇન્ડિયન્સ ત્રણવાર ફાઇનલમાં પહોંચી છે, આ વર્ષે ચોથીવાર તેણે ફાઇનલમાં પોતાની જગ્યા બનાવી છે. મહેન્દ્ર સિંહ ધોની પણ ત્રણેય વાર મુંબઇની ફાઇનલમાં હાજર રહ્યાં છે. વર્ષ 2010માં ચેન્નાઇ સુપર કિંગ્સની ટીમે મુંબઇ ઇન્ડિયન્સને હરાવી ફાઇનલ મેચ જીતી હતી, વર્ષ 2013 અને 2015માં ચેન્નાઇની ટીમ હારી હતી. આ ત્રણેય મેચમાં મહેન્દ્ર સિંહ ધોની ચેન્નાઇ ટીમના કપ્તાન હતા.

પુના વિ. મુંબઇ

પુના વિ. મુંબઇ

રોહિતની ટીમ બેલેન્સ છે, મુંબઇ ઇન્ડિયન્સમાં તેમની પાસે લેંડલ સિમંસ, કેરન પોલાર્ડ, પાર્થિવ પટેલ, નીતીશ રાણા, હાર્દિક પંડ્યા, કુણાલ પંડ્યા, મલિંગા, બુમરાહ અને હરભજન સિંહ જેવા ખેલાડીઓ છે. તો સ્મિથ પાસે પુનાની ટીમમાં રાહુલ ત્રિપાઠી, અજિંક્ય રહાણે, મહેન્દ્ર સિંહ ધોની, મનોજ તિવારી, જયદેવ ઉનડકટ અને એડમ જમ્પા જેવા ખેલાડીઓ છે, જે ગેમ ચેન્જ કરવા સક્ષમ છે.

જીત પર ફોકસ

જીત પર ફોકસ

પુનાની ટીમની આ અંતિમ આઇપીએલ હશે અને આથી જ ટીમ જીતવાનો પૂરો પ્રયત્ન કરશે એ વાત ચોક્કસ છે. આજની મેચમાં લોકોની નજર ધોની પર મંડાયેલી હશે એ વાતમાં શંકાને કોઇ સ્થાન નથી. આઇપીએલ શરૂ થતાં પહેલાં ધોનીને અનેક આલોચનાનો સામનો કરવો પડ્યો હતો, આજની મેચમાં તેમની પાસે તક છે તેમને જવાબ આપવાની.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary
Aiming to win their third title, the formidable Mumbai Indians will face an imposing challenge from the RPS in what promises to be a riveting Grand Finale of the 10th IPL Today.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X