રેસલર ગીતા ફોગાટે સચિન-આમિર સાથે જોઇ દંગલ, થઇ ભાવુક
દંગલ વિશે પોતાની ખુશી દર્શાવતા કહ્યુ કે સચિન તેંડુલકર અને આમિર સાથે બેસીને ફિલ્મ જોવી મારા માટે ખાસ છે...
ભારતની આન બાન અને શાન રેસલર ગીતા ફોગાટે ભારત રત્ન સચિન તેંડુલકર અને મિસ્ટર પરફેક્ટ એટલે કે આમિર ખાન સાથે હાલમાં જ તેમના પરિવાર પર બનેલી ફિલ્મ 'દંગલ' જોઇ. ગીતા 'દંગલ' ની વિશેષ સ્ક્રીનીંગમાં સામેલ થઇ હતી.
ફિલ્મ વિશે પોતાની ખુશી વહેંચતા ગીતાએ કહ્યું કે સચિન તેંડુલકર અને આમિરની સાથે બેસીને ફિલ્મ જોવી એ મારા માટે ખાસ છે. સચિને મારુ માન વધારી દીધુ અને આમિર ખાને મને સમ્માન આપીને મને ભાવ વિભોર કરી દીધી.
સચિને વધાર્યુ માન તો આમિરે આપ્યુ સમ્માન
તમને જણાવી દઇએ કે તેંડુલકર ખાસ આ ફિલ્મ જોવા પહોંચ્યા હતા. ગીતાએ કહ્યુ કે બોલીવુડ અને રમત જગતના મહાન દિગ્ગજો સાથે ફિલ્મ જોવી અમારા પરિવાર માટે ગર્વની બાબત છે. હું આમિર ખાનને ફિલ્મની સફળતા માટે શુભકામનાઓ પાઠવુ છુ.
ખાસ વાતો
પહેલવાન મહાવીર ફોગાટની મોટી દીકરી ગીતા ફોગાટ કોમન વેલ્થ ગેમ્સ 2010 ની ગોલ્ડ મેડલલીસ્ટ છે.
ગીતા ફોગાટ પહેલી ભારતીય મહિલા છે જેણે ઓલિમ્પિક (લંડન 2012) માં ભાગ લીધો હતો.
ગીતાને અર્જુન એવોર્ડથી પણ નવાજવામાં આવી છે.
બબીતા (25) અને વિનેશ(20) પણ કોમનવેલ્થ ગેમ્સ (2014) માં સુવર્ણ પદક વિજેતા રહી ચૂકી છે.