વેસ્ટઇન્ડિઝ ટીમ સીરિઝ અધવચ્ચે છોડીને પાછી જશે, BCCI નારાજ

| Updated: Friday, October 17, 2014, 19:11 [IST]

ધર્મશાલા, 17 ઓક્ટોબર: વેસ્ટઇન્ડિઝ ખેલાડીઓ અને તેમના સંઘ (ડબલ્યૂઆઇપીએ)ની વચ્ચે નાણાકિય વિવાદને કારણે ભારતની વિરુદ્ધ શુક્રવારે ચોથી વનડે લગભગ રદ્દ થવાની હતી, પરંતુ અણીના સમયે બીસીસીઆઇ સંયુક્ત સચિવ અનુરાગ ઠાકુરના હસ્તક્ષેપના કારણે મહેમાન ટીમ મેદાન પર આવી.

પરંતુ હવે આખી ટીમ હવે પાંચમી મેચને અધરમાં લટકાવીને દેશ પાછી ફરી રહી છે. શુક્રવારે મેદાન પર ખેલાડીઓના વિરોધના ઘણા સંકેત મળ્યા જેમાં આખી ટીમ ટોસ સમયે કપ્તાન ડ્વેન બ્રાવોની પાછળ ઊભી હતી. ટીમ અઢી વાગે શરૂ થનારી મેચ માટે બપોરે એક વાગ્યે એચપીસીએ સ્ટેડિયમ પહોંચી હતી અને તેણે અડધા કલાકથી વધારે સમય અભ્યાસ કર્યો નહીં.

જોકે આ આખું નાટક ટીમ જ્યાં રોકાઇ હતી તે હોટલમાં થયું. મેચથી ત્રણ કલાક પહેલા ઠાકુર વેસ્ટઇન્ડિઝના ખેલાડીઓને મેચમાં રમવા માટે મનાવવા માટે ટીમ હોટલમાં ગયા હતા.

ઠાકુરે બીસીસીઆઇના શ્રેષ્ઠ અને એચપીસીએના અધિકારીના પગલે બ્રાવો અને તેમના ખેલાડીઓને મેચમાં રમવા માટે મનાવી લીધા. તેમણે જણાવ્યું કે જો મેચ નહીં રમાય તો આયોજકો માટે આ શરમજનક વાત થશે, પ્રશંસક નિરાશ થશે જે ઠેરઠેરથી આંતરરાષ્ટ્રીય મેચ જોવા માટે અત્રે આવ્યા છે.