હીરો સ્પ્લેન્ડર પ્રો ક્લાસિકની આ બાઇક સાથે થશે ટક્કર

| Published: Wednesday, October 15, 2014, 15:42 [IST]

ભારતીય ઓટોમોબાઇલ સેક્ટરની ટોચની ટૂ વ્હીલર નિર્માતા કંપની હીરો મોટોકોર્પ દ્વારા તેના બે મોડલ્સને લોન્ચ કરવામાં આવ્યા છે. આ મોડલ્સને ખાસ તહેવારના સમયમાં લોન્ચ કરવામાં આવ્યા છે. જેથી કંપનીના વેચાણમાં ફાયદો થઇ શકે. કંપનીએ પોતાની જાણીતી બ્રાન્ડ સ્પ્લેન્ડરની નવી બાઇક સ્પ્લેન્ડર પ્રો ક્લાસિક 100 સીસીને કાફે રેસર સ્ટાઇલિંગમાં લોન્ચ કરી છે. જેની એક્સશોરૂમ દિલ્હીની કિંમત 48,650 રૂપિયા છે, જ્યારે બીજી ઓફરોડ બાઇક પેશન પ્રો ટીઆર 100 સીસીને એક્સ શોરૂમ દિલ્હીની કિંમત 51,550 રૂપિયામાં લોન્ચ કરી છે.

વાત સ્પ્લેન્ડર પ્રો ક્લાસિકની કરવામાં આવે તો તેની ડિઝાઇન આપણને રોયલ એન્ફિલ્ડની બાઇક કાફે રેસરની યાદ અપાવી દે છે. પ્રો ક્લાસિક એ લોકો માટે શ્રેષ્ઠ કહીં શકાય જેઓ એકલા મુસાફરી કરતા હોય, કારણ કે આ એક સિંગલ સિટર બાઇક છે અને તેને લઇને બજારમાં તેની સાથે આ સેગ્મેન્ટમાં સ્પર્ધા કરી શકે તેવી કોઇ બાઇક નથી અથવા તો આ બાઇકની અન્ય કોઇ સાથે સ્પર્ધા નથી તેમ કહીં શકાય. તેમ છતાં મહિન્દ્રાની સેન્ટ્યુરો, હોન્ડાની સીબી ટ્વિસ્ટર અને બજાજ ડિસ્કવર 100એમ એવી બાઇક છે, જે 100 સીસીની રેન્જમાં આ બાઇકને ટક્કર આપી શકે છે. તો ચાલો તસવીરો થકી ઉક્ત ચારેય બાઇકની તુલનાત્મક માહિતી મેળવીએ, જેમાં તેમનું એન્જીન, ફીચર્સ, કિંમત અને એવરેજ અંગે માહિતી આપવામાં આવી છે.