• search
For Quick Alerts
ALLOW NOTIFICATIONS  
For Daily Alerts

Video: ગાડીમાં છુપાઇને બેઠો હતો આ 3 મીટર લાંબો કિંગ કોબરા

By Shachi
|
Google Oneindia Gujarati News

સાપોનો રાજા કહેવાતા કિંગ કોબરાના ઘણા કિસ્સા તમે સાંભળ્યા હશે. પરંતુ જો 3 મીટર લાંબો કિંગ કોબરા સાપ જો કોઇની ગાડીમાં ઘર બનાવી લે તો કેવું લાગે? ચીનમાં એક વ્યક્તિ સાથે કંઇક એવું જ થયું છે. વાત કંઇક એમ બની કે, આ વ્યક્તિ ઘણા સમયથી પોતાની ગાડી ચાલુ કરવાનો પ્રયત્ન કરી રહ્યો હતો. અનેક પ્રયત્નો છતાં જ્યારે ગાડી ચાલુ ન થઇ તો તેણે પોતાની ગાડીનું બોનટ ખોલ્યું. બોનટમાં તેને એક ત્રણ મીટર લાંબો સાપ જોવા મળ્યો, જે જોઇને તે આશ્ચર્યચકિત થઇ ગયો.

પોલીસની મદદ લઇ સાપને ગાડીના બોનટમાંથી બહાર કાઢવામાં આવ્યો હતો, આ આખી ઘટનાને વીડિયોમાં કેદ કરી વીડિયો સોશિયલ મીડિયા પર મુકવામાં આવ્યો છે.

ત્રણ મીટર લાંબા આ કિંગ કોબરાનું વજન સાડા ચાર કિલોથી વધારે હતું. કોબરાને જ્યારે ગાડીના બોનટમાંથી બહાર કાઢવામાં આવ્યો ત્યારે તેણે ભારે ધમાલ કરવાનો પ્રયાસ કર્યો હતો. ગાડીમાંથી કાઢીને આ સાપને જંગલમાં છોડી દેવામાં આવ્યો હતો.

સોશિયલ મીડિયા પર શેર થયો વીડિયો

આ ઘટનાનો વીડિયો ફેસબૂક પર શેર થયા બાદ ખૂબ વાયરલ થયો છે. આ વીડિયોને લગભગ 70 હજાર વ્યૂ મળ્યા છે અને એક હજારથી વધુ રિએક્શન મળ્યા છે. એક ફેસબૂક યૂઝરે લખ્યું છે, સર, આ કોબરા માટે તમને વધારે મોટી બેગની જરૂર છે.

પોલીસ ટીમને બોલાવી પૂરું કર્યું મિશન

3 મીટર લાંબા આ કોબરાને ગાડીમાંથી બહાર કાઢવા માટે પોલીસ ટીમની મદદ લેવામાં આવી હતી. 1 સ્ટિક વડે ખેંચીને કોબરાને બહાર કાઢવામાં આવ્યો અને એક સ્ટિકનો ઉપયોગ કોબરાને નિયંત્રણમાં રાખવા માટે કરવામાં આવ્યો હતો. શાંતિથી વીડિયો જોતાં ખ્યાલ આવશે કે, આ એક કોબરાને કાઢવા માટે પોલીસે કેટલી જહેમત ઉઠાવવી પડી હતી.

English summary
3 meter long King Cobra found in car's bonnet in China. This video is going viral on social media.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X