10 વર્ષની કેન્સર પીડિત બાળકીએ બેસ્ટ ફ્રેન્ડ સાથે લગ્ન કરવાની આખરી ઈચ્છા દર્શાવી, આ લવ સ્ટોરી તમને રડાવી દેશે
કહેવાય છે કે સાચા પ્રેમીઓ અમર થઈ જાય છે અને હજારો વર્ષો સુધી લોકોના મુખે તેની કહાની ચર્ચાય છે. હાલમાં જ આવી જ એક લવ સ્ટોરી સોશિયલ મીડિયા પર ચર્ચાઈ રહી છે. જો કે આને લવ સ્ટોરી કહેવા કરતા બે મિત્રોની મિત્રતાની કરૂણ ઘટના વધારે કહી શકાય. આ ઘટના કોઈને પણ રડાવી શકે છે.
હાલ સોશિયલ મીડિયા પર એક અમેરિકી બાળકી ચર્ચામાં છે. 10 વર્ષની એમા એડવર્ડ્સ તો આ દુનિયા છોડીને જતી રહી છે પરંતુ તેની નાનકડી માસૂમ લવ સ્ટોરી આજે લોકોના મુખે છે.
10 વર્ષની માસૂમ વયે દુનિયાને અલિવાદ કહેનારી એમાની લવ સ્ટોરી લોકોને રડાવી રહી છે. આ નાનકડી છોકરી કેન્સરથી પીડિત હતી અને તેને તેની અંતિમ ઈચ્છા તરીકે મૃત્યુના 12 દિવસ પહેલા તેના બેસ્ટ ફ્રેન્ડ સાથે લગ્ન કર્યા.
એમા એક વખત દુલ્હન બનવા માંગતી હતી અને તે તેના બેસ્ટ ફ્રેન્ડના પ્રેમમાં હતી. ડોક્ટરોએ કહ્યું કે એમા પાસે વધારે સમય નથી તો તેના પિતાએ જ તેની દુલ્હન બનવાની ઈચ્છા પૂરી કરી એને બેસ્ટ ફ્રેન્ડ સાથે લગ્ન કરાવ્યા.
એમાને ડેનિયલ માર્શલ ક્રિસ્ટોફર વિલિયમ્સ નામનો એક બેસ્ટ ફ્રેન્ડ હતો. જેને તે પ્રેમથી ડીજે બોલાવતી હતી. બંને એકબીજાને પ્રેમ કરતા હતા. તેની છેલ્લી ઈચ્છા પૂરી કરવા એમાના પરિવારે તેના ડીજે સાથે તેના લગ્ન ગોઠવ્યા. બંનેના પરિવાર વતી નાનકડો કાર્યક્રમ યોજીને બંનેના લગ્ન થયા.
બંનેના લગ્નના ફોટોગ્રાફ્સ પણ સામે આવ્યા છે, જેને જોઈને કોઈ ઈમોશનલ થઈ શકે છે. આ ફોટોમાં બંનેએ એકબીજાનો હાથ પકડી રાખ્યો છે.
જણાવી દઈએ કે, એમા એડવર્ડ્સને એપ્રિલ મહિનામાં એક્યુટ લિમ્ફોબ્લાસ્ટિક લ્યુકેમિયા હોવાનું નિદાન થયું હતું. જેના કારણે તેનું બ્લડ અને બોન મેરો ખરાબ થઈ ગયુ હતુ. આ બિમારીનો કોઈ ઈલાજ નહોતો. એમાની માતાનું નામ એલિના એડવર્ડ્સ અને પિતાનું નામ એરોન એડવર્ડ્સ છે.
માતા એલિના એડવર્ડ્સે જણાવ્યુ કે, ડીજે એમ્માને ખરેખર પ્રેમ કરે છે અને તેનો પરિવાર હંમેશા એમા માટે કંઈપણ કરવા આગળ રહેતો હતો. એમા અને ડીજે બંને પડોશીઓ છે. એલિના એડવર્ડ્સ કહે છે કે સામાન્ય રીતે મોટા ભાગના બાળકો ડિઝનીલેન્ડ જવા માંગે છે, ફરવા માંગે છે, પરંતુ એમા પત્ની બનીને ત્રણ બાળકોને જન્મ આપવા માંગતી હતી.
Click it and Unblock the Notifications
Sign in with Google
