વેલેન્ટાઇન ડે પર અનોખી રીતે પ્રપોઝ કરવા જતાં થઇ ધરપકડ
વેલેન્ટાઇન ડે પર ગર્લફ્રેન્ડને ઇમ્પ્રેસ કરવા યુવકે રૂ.2000ની નોટોથી આખી કાર સજાવી હતી, પરંતુ જેવો તે કાર લઇને નીકળ્યો કે પોલીસે તેની ધરપકડ કરી લીધી.
વેલેન્ટાઇન ડે ને ખાસ બનાવવા માટે આજકાલના યુવક-યુવતીઓ ઘણીવાર હદ વટાવી જતા હોય છે. પોતાની ગર્લફ્રેન્ડને ઇમ્પ્રેસ કરવા માટે આશિક જાત-જાતની ભેટ અને ફુલો મોકલી તેને રિઝવવાની કોશિશ કરતા હોય છે. પરંતુ ક્યારેક કંઇ અલગ કરવાના ચક્કરમાં તેઓ મુસીબતમાં પણ પડી જાય છે. મુંબઇ ના એક આશિક સાથે વેલેન્ટાઇન ડેના દિવસે આવું જ કંઇ થયું હતું.
વાત એમ બની કે, મુંબઇમાં એક પ્રેમીએ પોતાની પ્રેમિકાને સરપ્રાઇઝ આપવા માટે પોતાની કાર રૂ.2000ની નોટોથી સજાવી દીધી. આ કાર તે પોતાની પ્રેમિકાને ગિફ્ટ કરવા માંગતો હતો, પરંતુ જ્યારે તે આ કાર લઇ મુંબઇના રસ્તા પર નીકળ્યો ત્યારે લોકોની સાથે પોલીસ પણ કારની સજાવટ જોઇને દંગ રહી ગઇ હતી.
અહીં વાંચો - અમેરિકામાં 2 મોઢાવાળું વાછરડું પેદા થયું, નામ રાખ્યું લકી
અમર ઉજાલાના અહેવાલ અનુસાર, આશિક પોતાની પ્રેમિકાને વેલેન્ટાઇન ડે પર કંઇક અલગ રીતે પ્રપોઝ કરવા માંગતો હતો અને આથી જ તેણે આખી કાર રૂ.2000ની ગુલાબી નોટોથી સજાવી દીધી હતી. ગાડી લઇને જેવો તે રસ્તા પર નીકળ્યો કે તરત જ પોલીસે કાર્યવાહી કરતાં ગાડી સાથે તેની ધરપકડ કરી હતી. વેલેન્ટાઇન ડે ઉજવવાની જગ્યાએ એ યુવકે જેલની હવા ખાવાનો વારો આવ્યો. જો કે, પોલીસ તરફથી આ યુવકનું નામ જાહેર કરવામાં નથી આવ્યું.