ઇન્ટરનેટ પર ધમાલ મચાવી રહી છે ભારત-પાકિસ્તાનની આ બે યુવતીઓની લવ સ્ટોરી

તમે ઘણીવાર સાંભળ્યું હશે કે પ્રેમની કોઈ મર્યાદા નથી, પ્રેમ કોઈ સીમાઓ જોતો નથી, ના ધર્મ, ના જાત અને ના લિંગ. પ્રેમની આવી જ એક કહાની ન્યુયોર્કમાં મળી. જ્યાં ભારત અને પાકિસ્તાનની બે છોકરીઓની લવ સ્ટોરી ઇન્ટરનેટ પર ધમાલ મચાવી રહી છે. પ્રેમમાં ડૂબેલી આ બે છોકરીઓના ફોટા ઇન્ટરનેટ પર છવાયેલા છે. તેમના નામ સુંદાસ મલિક અને અંજલિ ચક્ર છે. તેમાંથી એક હિન્દુ, બીજી મુસ્લિમ છે. એક ભારતીય છે અને બીજી પાકિસ્તાની છે.

ઇન્ટરનેટ પર લોકો આ ફોટાને પસંદ કરી રહ્યા છે

ફોટોગ્રાફર સરવરે તેના ટ્વિટર પેજ પર આ બંને છોકરીઓના ફોટા 'અ ન્યૂયોર્ક લવ સ્ટોરી' ના નામથી શેર કર્યા છે. તે પછી આ ફોટોગ્રાફ્સ સોશિયલ મીડિયા પર છવાઈ ગયા. ફોટામાં, બંને છોકરીઓ વરસાદમાં એક પારદર્શક છત્રી નીચે ઉભી છે. એક બીજાને 'કિસ' કરી રહી છે. આ કપલના ફોટાઓ 28 જુલાઈએ ટ્વિટર પર શેર કરવામાં આવ્યા હતા.

રિલેશનશિપનું એક વર્ષ પૂરું થવા પર એક ફોટો શેર કર્યો

એક ઈન્સ્ટાગ્રામ પોસ્ટમાં, અંજલિ ચક્રએ લખ્યું છે કે તે ઘણા લગ્નમાં ભાગ લેવા જઇ રહી હતી, આ દરમિયાન તેણીએ સૌથી સારા અને મોંઘા વસ્ત્રો પહેર્યા, જેના પછી તેણે અચાનક ફોટો શૂટ કરવાનું નક્કી કર્યું. આટલું જ નહીં, અંજલિએ તેની રિલેશનશિપનું એક વર્ષ પૂરું થવા પર એક ફોટો શેર કર્યો છે અને સુંદાસને એનિવર્સરીનાં અભિનંદન આપ્યા છે. એટલું જ નહીં, બંનેએ સુફીસૂન નામના એકાઉન્ટથી બીજો એક ફોટો પણ શેર કર્યો છે.

A New York Love Story pic.twitter.com/nve9ToKg9y

— Sarowar (@Sarowarrrr) July 28, 2019

વર્ષગાંઠ મુબારક બેબીજાન....

સુંદાસે ઈન્સ્ટાગ્રામ પર ફોટા શેર કર્યા છે. ફોટા સાથે તેણે લખ્યું કે, 'હું જુદી જુદી રીતોના પ્રેમને જોઈને મોટી થઇ છું. કેટલીક પોતાના પરિવારમાં કેટલીક બોલિવૂડ મૂવીઝમાં. જ્યારે હું થોડી મોટી થઇ ત્યારે મને મારી સેક્સુઆલિટીની જાણ થઇ. મેં મારા જેવા લોકોનો પ્રેમ ક્યારેય જોયો ન હતો. મને આનંદ છે કે મને તક મળી છે કે, મારા પ્રેમ સાથે રહેવાની. વર્ષગાંઠ મુબારક બેબીજાન.