વીડિયો: ચીનમાં હજારો લોકોએ વાદળોમાં ઉડતો રાજમહેલ જોયા
ચીનના લોકોએ આકાશમાં એવું તો કંઇક ખાસ જોઇ લીધું કે તે બસ જોતા જ રહ્યા. જરા વિચારી તો જુઓ તમે ઊભા હોવ તે જગ્યાએ આકાશમાં તમને એક કિલ્લા જેવો વિશાળ મહેલ દેખાય તો તમારી પ્રતિક્રિયા શું રહેશે? આવા જ હાલ ચીનના લોકોનો થયો જ્યારે તેમણે આકાશમાં ઉડતું એક શહેર જોયું. એટલું જ નહીં લોકોએ તેનો વીડિયો પણ કેમેરામાં કેદ કર્યો. થોડીક વાર તો ખુદ નીચે ઊભેલા લોકોને પણ ના સમજાયું કે શું કરવું.
જો કે આ વીડિયોમાં દેખાઇ રહેલા કિલ્લા કે શહેર જેવી વસ્તુઓને વાદળોમાં તરતી જોવા મામલે અલગ અલગ લોકોનો અલગ અલગ અભિપ્રાય છે. હવામાન વિભાગના જાણકારો આને દ્રષ્ટ્રિ ભ્રમ કરે છે. તેમના મુજબ આ એક ઓપ્ટિકલ ઇલ્યુશન છે.
વળી ભૌતિક વિજ્ઞાનથી જોડાયેલા લોકોનું માનીએ તો ગરમીના લીધે અચાનક જ તાપમાન વધી જતા આ તાપમાનમાં આરપાર થતી હવા અને પ્રકાશના કિરણો આકાશમાં એક ઇમેજ બનાવે છે. જેના કારણે આવું દેખાય છે તેવું તેમનું કહેવું છે. ત્યારે ખરેખરમાં આ કોઇ વિજ્ઞાન છે કે રહસ્ય તે તો જાણવું જ રહ્યું. તો પછી આકાશમાં ઉડતા આ મહેલને જુઓ નીચેના આ વીડિયોમાં...