BSNLની આ નવી ઓફરમાં છે છપ્પર ફાડ ફ્રી ડેટા ને ટોકટાઇમ
બીએસએનએલ એ ઇદ ઉલ ફિતર પર કેટલીક નવી ઓફર કાઢી છે. જેમાં તમે ફ્રી ટોકટાઇમથી લઇને ફ્રી 3જી ડેટા મેળવી શકો છો. ત્યારે જાણો શું છે બીએસએનએલની આ નવી ઓફર અહીં.
સરકારી ટેલિકોમ કંપની બીએસએનએલ એ ઇદ ઉલ ફિતરના ઉપક્રમે બે નવા કોમ્બો વાઉચર કેશ અને ઓફર કાઢી છે. સાથે જ ટોપ અપ વાઉચર પર વધુ ટોકટાઇમ આપવાની પણ જાહેરાત કરી છે. ગુજરાતમાં મોટા પ્રમાણમાં જ્યારે બીએસએનએલ લોકપ્રિય છે ત્યારે આ વાઉચરની ઓફર શું છે અને કેવા પ્લાન હેઠળ મફત ડેટા અને ફુલ ટોકટાઇમ મળી રહ્યા છે તે અંગે વિગતવાર જાણો અહીં...
પહેલું વાઉચર
786 રૂપિયામાં એક કોમ્બો વાઉચર રજૂ કરવામાં આવ્યું છે જેમાં ગ્રાહકોને પૂરો 786નો ટોકટાઇમ મળશે. આ સેવા તમને 90 દિવસ માટે મળશે જેમાં 3 જીબી ડેટા પણ આપવામાં આવશે.
બીજું વાઉચર
આ બીજા વાઉચરમાં તમને 599 રૂપિયા મળશે. જેમાં 507 રૂપિયાનું બેલેન્સ મળશે સાથે જ 279 રૂપિયાનું વધારાનું ટોકટાઇમ 30 દિવસ માટે મળશે. અને આ ઓફર ખાલી 30 જૂન સુધી જ ચાલુ રહેશે.
એક્સટ્રા ટોકટાઇમ
આ સિવાય પણ બીએસએનએલ 60, 110, 210 અને 290 રૂપિયાના ટોપ અપ વાઉચર લાવ્યું છે. જેમાં વધારોના ટોકટાઇમ આપવામાં આવી રહ્યો છે. સાથે જ 444 રૂપિયા વાળી બીએસએનએલ ચોક્કા નામની એક ઓફર પણ હાલ ચાલુ છે. જેમાં 90 દિવસો સુધી રોજના 4જીબી 3જી ડેટા કંપની આપી રહી છે.
333 પ્લાન
આ પહેલા બીએસએનએલની તરફથી 333 રૂપિયાનો એક પ્લાન પણ જાહેર કરવામાં આવ્યો હતો. જે હેઠળ કંપનીએ 90 દિવસો સુધી રોજ 3 જીબી 3જી ડેટા ઓપવાની વાત કરી હતી. ઉલ્લેખનીય છે કે જીયોના આવ્યા પછી બીએસએનએલ સમતે એરટેલ અને વોડાફોન જેવી અનેક કંપનીઓ તેના ગ્રાહકોને આકર્ષવા માટે નીતનવી ઓફર લાવી રહ્યા છે.