ડીઝલમાં 5 રૂપિયાનો વધારો, સાતમું સિલિન્ડર રૂપિયા 750માં પડશે
સરકારે નિર્ણય કર્યો છે કે વર્ષમાં મહત્તમ 6 સિલિન્ડરો પર જ સબસીડી આપવામાં આવશે. એટલે કે 6 સિલિન્ડર પછી સબસિડી વગર સાતમા સિલિન્ડર માટે 750 રૂપિયા ચૂકવવા પડશે. અમદાવાદમાં 51.71, સુરતમાં 46.76, વડોદરામાં 50.45 અને રાજકોટમાં 51.00 ભાવ વધારો અમલમાં આવ્યો છે. જ્યારે દિલ્હીમાં ડીઝલની કિંમત 46.32 રૂપિયા પ્રતિ લીટર થઇ જશે અને જ્યારે મુંબઇમાં 51.25 રૂપિયે પ્રતિ લીટર ડીઝલ મળશે.
અત્રે ઉલ્લેખનીય છે કે મોડી રાત્રે કરવામાં આવેલા તોતિંગ ભાવવધારા પગલે યુપીએ સરકારના ઘટકપક્ષો તેમજ વિપક્ષોએ આકરી ટીકા કરી છે. ભાવવધારા બાબતે થોડા સમય અગાઉ પેટ્રોલિયમ મંત્રી જયપાલ રેડ્ડીએ સંકેત આપી દીધા હતા કે ડિઝલ અને એલપીજીના ભાવોમાં વધારો કરવો જરૂરી છે. ત્યારે જ નક્કી થઇ ગયું હતું કે ટૂંક સમયમાં જ ડીઝલમાં ભાવ વધશે, સરકારે જણાવ્યું કે ડીઝલના ભાવ વધારામાં વેટનો સમાવેશ થતો નથી. ઉત્પાદન ક્ષેત્રમાં 1.5 રૂપિયાનો વધારો થતાં આ વધારો થયો છે. બાકીના સાડાત્રણ રૂપિયા તેલ કંપનીઓના ખાતામાં જશે.