India
  • search
For Quick Alerts
ALLOW NOTIFICATIONS  
For Daily Alerts
Oneindia App Download

LPG સિલિન્ડરના ભાવમાં મોટો ઘટાડો, જાણો આજના ભાવ

|
Google Oneindia Gujarati News

નવી દિલ્લીઃ છેલ્લા કેટલાક દિવસોથી પેટ્રોલ અને ડીઝલના ભાવ સ્થિર છે, જેના કારણે સામાન્ય લોકોને ચોક્કસ રાહત મળી રહી છે. આ દરમિયાન વધુ એક રાહતના સમાચાર સામે આવ્યા છે. એલપીજી સિલિન્ડરની કિંમતમાં મોટો ઘટાડો કરવામાં આવ્યો છે. આજથી એલપીજી સિલિન્ડરની કિંમતમાં 198 રૂપિયાનો ઘટાડો કરવામાં આવ્યો છે. ઈંધણ કંપનીઓ દ્વારા લેવામાં આવેલા આ નિર્ણયથી સામાન્ય લોકોને મોટી રાહત મળી છે. 1 જુલાઈથી 19 કિલોનો કૉમર્શિયલ સિલિન્ડર 198 રૂપિયા સસ્તો થયો છે. આજના નવા દરની વાત કરીએ તો દિલ્હીમાં હવે 19 કિલોનુ કૉમર્શિયલ સિલિન્ડર 2021 રૂપિયામાં મળશે જે પહેલા 2219 રૂપિયા હતુ.

કોલકાતામાં 19 કિલોના કૉમર્શિયલ સિલિન્ડરની વાત કરીએ તો તે 2322 રૂપિયાથી ઘટીને 2140 રૂપિયા પર આવી ગયો છે. મુંબઈમાં તે 2171.50 રૂપિયાથી ઘટીને 1981 રૂપિયા પર આવી ગયો છે. ચેન્નાઈમાં તે 2373 રૂપિયાથી ઘટીને 2186 રૂપિયા પર આવી ગયો છે. જો કે ઓઈલ કંપનીઓએ કોમર્શિયલ સિલિન્ડરની કિંમતમાં ચોક્કસ ઘટાડો કર્યો છે, પરંતુ ઘરેલુ સિલિન્ડરની કિંમતમાં કોઈ રાહત આપી નથી. દિલ્હીમાં ઘરેલુ સિલિન્ડરની કિંમત 1003 રૂપિયા છે.

અગાઉ 1 જૂને કૉમર્શિયલ સિલિન્ડરની કિંમતમાં 135 રૂપિયાનો ઘટાડો કરવામાં આવ્યો હતો. આવી સ્થિતિમાં છેલ્લા એક મહિનામાં કૉમર્શિયલ સિલિન્ડરના ભાવમાં 300 રૂપિયાથી વધુનો ઘટાડો થયો છે. મે મહિનામાં કૉમર્શિયલ ગેસ સિલિન્ડરની કિંમત વધીને 2354 રૂપિયાના રેકોર્ડ સ્તરે પહોંચી ગઈ હતી. તમને જણાવી દઈએ કે ઘરેલુ સિલિન્ડરમાં છેલ્લો ફેરફાર 19 મેના રોજ કરવામાં આવ્યો હતો, ત્યારથી ઘરેલુ સિલિન્ડરની કિંમતમાં કોઈ ફેરફાર થયો નથી. ઉજ્જવલા યોજના હેઠળ, સરકાર દ્વારા ઘરેલુ સિલિન્ડર પર 200 રૂપિયાની સબસિડીની જાહેરાત કરવામાં આવી હતી. આ સબસિડી એક વર્ષમાં માત્ર 12 સિલિન્ડર પર જ આપવામાં આવશે. સરકારની આ જાહેરાતથી 9 કરોડ ગ્રાહકોને ફાયદો થશે.

English summary
Huge price cut in LPG cylinder price effective from 1 july.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X