• search
For Quick Alerts
ALLOW NOTIFICATIONS  
For Daily Alerts

GST કાઉન્સિલની 44મી બેઠકમાં લેવાયા મહત્વના નિર્ણય, બ્લેક ફંગસની દવા પર છુટ, વેક્સિન પર લાગશે ટેક્સ

|
Google Oneindia Gujarati News

કોરોના વચ્ચે જીએસટી કાઉન્સિલ દ્વારા આજે મંત્રીઓના જૂથની ભલામણને સ્વીકારવામાં આવી હતી, જેમાં કોવિડ રાહત સામગ્રી પરનો ટેક્સ હટાવવાની માંગ કરવામાં આવી હતી. આ પછી હવે બ્લેક ફંગસની દવા દેશના દરેક રાજ્યમાં કરમુક્ત થઈ ગઈ છે. જો કે કોરોના વેક્સિન પર 5 ટકાનો જીએસટી યથાવત છે, ઘણા તબીબી ઉપકરણો પરના ટેક્સમાં પણ ઘટાડો કરવામાં આવ્યો છે.

વર્તમાન પરિસ્થિતિને ધ્યાનમાં રાખીને જીએસટી કાઉન્સિલની 44 મી બેઠક શનિવારે વર્ચુઅલ માધ્યમથી મળી હતી. બેઠક બાદ નાણાં પ્રધાન નિર્મલા સીતારામણે મીડિયા સાથે વાત કરતા કહ્યું કે ઇલેક્ટ્રિક ભઠ્ઠીઓ અને તાપમાન ચકાસણી મશીનો પરનો જીએસટી ઘટાડીને 5 ટકા કરવામાં આવ્યો છે. આ સિવાય એમ્બ્યુલન્સ પર હવે 12 ટકા જીએસટી લાગશે. સરકારના ભલામણ મુજબ આ દર સપ્ટેમ્બર સુધી માન્ય રહેશે. તેમણે વધુમાં માહિતી આપતા કહ્યું કે 4 કેટેગરીના ઉત્પાદનો માટે જીએસટી દર નિર્ધારિત કરવામાં આવ્યા છે, જેમાં દવાઓ, ઓક્સિજન, ઓક્સિજન ઉત્પાદક ઉપકરણો, પરીક્ષણ કીટ, મશીનો અને અન્ય COVID-19 સંબંધિત રાહત સામગ્રીનો સમાવેશ થાય છે. તેમના દરની જાહેરાત ટૂંક સમયમાં કરવામાં આવશે.
વેક્સિન ઉપર જીએસટી હટાવવાની માંગ અંગે નાણામંત્રીએ કહ્યું કે તેના પર 5 ટકાનો દર રહેશે. અત્યારે કેન્દ્ર સરકાર 75% રસી ખરીદી રહી છે અને તેના પર જીએસટી પણ આપી રહી છે. સરકારી હોસ્પિટલોમાં લોકોને વિના મૂલ્યે આપવામાં આવતી 75% રસીનો લોકો પર કોઈ અસર નહીં પડે. આ સિવાય રેમડેસિવિર દવા, ઓક્સિમીટર, મેડિકલ ગ્રેડ ઓક્સિજન અને વેન્ટિલેટર પરનો જીએસટી દર 12 ટકાથી ઘટાડીને 5 ટકા કરવામાં આવ્યો છે.
8 મંત્રીઓનુ હતુ ગ્રુપ
આપને જણાવી દઈએ કે 28 મેના રોજ જીએસટી કાઉન્સિલની બેઠક પણ મળી હતી. તે સમય દરમિયાન, તબીબી સંબંધિત ઉપકરણો પરનો ટેક્સ નક્કી કરવાનો નિર્ણય છોડી દેવામાં આવ્યો હતો. આ પછી મંત્રીઓનું જૂથ બનાવવામાં આવ્યું. તેની અધ્યક્ષતા મેઘાલયના નાયબ મુખ્યમંત્રી કોનરાડ સંગમાએ કરી હતી. તેમણે 8 જૂને કાઉન્સિલને એક રિપોર્ટ આપ્યો હતો. જેમાં ઓક્સિજન, પલ્સ ઓક્સિમીટર, સેનિટાઇઝર, વેન્ટિલેટર વગેરે પર રાહત આપવાની માંગ કરવામાં આવી હતી. જેને શનિવારે જીએમટી કાઉન્સિલ દ્વારા મંજૂરી આપવામાં આવી હતી.

English summary
Important decisions taken at the GST Council meeting, Vaccines will be in Tax slab
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X